Luke 11:29 - Yak'usda Ooghuni

²⁹ ꞋEt ꞌilhozdilne lhanꞌun te nus za lheꞌhuniltsuk ꞌinkꞌez bubulh yawhenilhduk, “Njan ꞌandit whudizulhne dune hintsiꞌ. ꞋEt hoonli hooncha tuneꞌ whutꞌen-un ꞌet za huwhuntilhꞌelh hukwaꞌ huninzun. ꞋEt hoontsꞌi ꞌaw huhooꞌen-un bughá holtsꞌit ꞌaitꞌoh. ꞋEt nus hooꞌen-un Jonah bulh dahooja-un, ꞌet za huwhutiꞌelh.

Luke 11:29 Iomraidhean Croise

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Luke 11:16

ꞋEt ꞌuyoonne huyoolhdzih whe huyoodulhkut, “Yakꞌuz tsꞌe whutsꞌun neba huwa ꞌitꞌen tuneꞌ tantꞌen eh, ꞌet whunenilhtun?”

Luke 11:50

ꞋEt yun ꞌudechoo ꞌulya ꞌet whutsꞌun ndunne nus hooꞌenne bubuzkaiꞌ whúzdliꞌne, nohni ꞌandit whudizulhne dune nohni hukwꞌelha whutilhtselh wheꞌ hoontꞌoh.

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 9:41

ꞋEt Jesus ꞌutni, “Nohni ꞌandit whudizulhne ꞌaw nohba ꞌalhaꞌ lheꞌhootꞌoh ꞌinkꞌez tankꞌus neꞌahtꞌen. Dawhuldzoh nohtoh ꞌutistꞌelh ꞌinkꞌez nohbulh óosyin? Nyeꞌ stsꞌílhtelh!”

John 2:18

ꞋEt Lizwifne ꞌuhuyúlhni, “Njan ntsꞌoh te la neꞌíntꞌen-un di gha ꞌíntꞌen hooncha túneꞌ ꞌintꞌen, ꞌet whunénilhtun?”

John 6:30

ꞋInka ꞌuhuyúlhni, “Dantꞌi ꞌutꞌen ꞌutalhꞌelh? ꞋIlhoghun huwa ꞌítꞌen-un neba ꞌuhoonleh, ꞌet de la tsꞌonoolhꞌen, ꞌinkꞌez neba ꞌalhaꞌ ꞌontꞌeꞌ.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

1 Corinthians 1:22

ꞋEt Lizwifne huwa ꞌitꞌen-un za hukonuta ꞌinkꞌez ndunne Greekne, ꞌenne hiye whunih-i za haꞌ hoozilhtsꞌai.