Luke 11:26 - Yak'usda Ooghuni

²⁶ ꞋEt ꞌutsꞌun whe dudoh ꞌinkꞌez lhtakꞌantꞌine ntsiꞌ-i nududeh-i yanus ꞌultsiꞌne, dune hiye nádudoh ꞌinkꞌez ꞌet nehúnih. ꞋEt ndun dune hiyudúltsꞌi-un whutsodaꞌ whanus ꞌultsiꞌ ulhi.”

Luke 11:26 Iomraidhean Croise

Matthew 12:45

ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Matthew 23:15

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Luke 11:25

Whuz naoodaih te ꞌinkꞌez ꞌet nahooꞌaih dune dudzi yo lhodítsun nawhulhtsi ꞌinkꞌez soo nenaꞌninla.

Luke 11:27

ꞋEt Jesus yalhduk whutoh whe ꞌilhozdilne butoh ꞌilhoghun tsꞌeke yutsꞌu hanya, “Mbe la oochan ꞌindaꞌ-un ꞌinkꞌez nye ꞌalhtꞌukw-un, ꞌen tsꞌeke ꞌukꞌenus hoonzoo-un oogha whultsꞌut,” ni.

John 5:14

Njan ꞌet ndúhooja-un hukwꞌelhꞌaz lugliz whucho ꞌet Jesus ndun nayilhti ꞌinkꞌez ꞌuyulhni, “Hadih, ꞌandit ꞌawet soo náꞌinja. Lubeshi ꞌilhꞌen-un ꞌetsul ꞌoneh, doo ka la ꞌon nus ꞌuwhultsiꞌ-un ꞌet nghá holtsꞌit!”

1 John 5:16

Mbe la bulhutsin lubeshi ꞌaw yukꞌé dalhtisah-i ꞌulhꞌen, yunilhꞌen de, Yakꞌusda yoodolhkut ꞌinkꞌez nyoon lubeshi ꞌaw yukꞌé dalhtisah ꞌulhꞌen-un, ꞌen hutinalh-un yugha óotaꞌalh. ꞋEt lubeshi ooghá daztitsah-i cha hoonli. ꞋAw ꞌet huba tenadondli lhduzúsni.