Luke 11:2 - Yak'usda Ooghuni

² ꞋEt ꞌubulhni, “Nja ndudahni whe tenadoohdli, ‘NeBá yakꞌuz sinda. Nyooziꞌ dótiꞌ. Dahoontꞌoh whe lerwe inli, ꞌet cha netsꞌó tooltsꞌit. ꞋInkꞌez yakꞌuz tsꞌe hukwaꞌ ninzun dahooja la, ndi yun kꞌut cha, whuz unꞌa za ꞌet ndúhoneh.

Luke 11:2 Iomraidhean Croise

Matthew 10:32

“ꞋEt huwa mbe la dune nalh ndutni-un, Jesus, ꞌen schꞌeꞌ ꞌuntꞌoh. Mbe ndutnine, ꞌuBá yakꞌuz usda-un, ꞌen dutasnelh, nyoon ꞌen schꞌeꞌ ꞌuntꞌoh.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Luke 11:1

ꞋEt ꞌilhoh dzin, ꞌilhoghun Jesus tenadudli. ꞋEtsul ꞌudija whe ꞌilhoghun yugha hodulꞌeh-un ꞌuyulhni, “John yugha hodulꞌehne tenaduhudli whubodalhꞌeꞌ, nyun tenazdutidli-un whuneoodilhꞌeh.”

Romans 1:7

Nohni Rome dilhtsꞌine, Yakꞌusda nohkꞌensiꞌ ꞌinkꞌez Yakꞌusda oochꞌeꞌne nohúlhtsi. NeBá Yakꞌusda ꞌinkꞌez Jesus Christ neMoodihti nohgha ininꞌai whe nohdzi dóghel ꞌinkꞌez Yakꞌusda ye únzoo-i nohbulh óotꞌeꞌ ha.

Romans 8:15

ꞋEt Ndoni nohyudíltsꞌut whe ꞌaw Yakꞌusda be ntilhjut wheni ꞌulhna lhunohílhtsel. ꞋEt nohyudíltsꞌut whe Yakꞌusda ooduneꞌ nohulhtsi. ꞋEt huwa whélhtsꞌuniljut whe bulh yátsꞌulhduk ꞌinkꞌez, “Abba, ꞌuBá,” tsꞌutni.

1 Corinthians 1:3

NeBá Yakꞌusda ꞌinkꞌez Jesus Christ neMoodihti tsꞌun nohba tenadusdli ꞌet whe nohdzi doghel ꞌinkꞌez ye unzoo-i nohbulh ootꞌeꞌ.

2 Corinthians 1:2

NeBá Yakꞌusda ꞌinkꞌez Jesus Christ neMoodihti tsꞌun nohba tenadusdli ꞌet whe ye unzoo-i ꞌinkꞌez nohdzi dóghel nohbulh óotꞌeꞌ.

Galatians 1:4

ꞋEn ꞌuja nelubeshi gha huwaꞌ dudulti. ꞋEt whe ndi yun kꞌut ntsiꞌ-i yuchꞌa naneoozdla. Yakꞌusda neBá, ꞌet whuz unꞌa hukwaꞌ ninzun.

Ephesians 1:2

Yakꞌusda neBá ꞌinkꞌez Jesus Christ neMoodihti, ꞌen tsꞌun ye unzoo-i ꞌinkꞌez nohdzi dizghel-un nohgha óoninꞌai, nohbulh óotꞌeꞌ.

Philippians 1:2

Yakꞌusda neBá ꞌinkꞌez Jesus Christ neMoodihti ꞌen tsꞌun ye unzoo-i ꞌinkꞌez be nedzi dizghel-i nohgha íninꞌai, ꞌi tsꞌiyawh nohbulh óotꞌeꞌ nohba hukwaꞌ nuszun.

Philippians 4:20

ꞋEt neYakꞌusda ꞌinkꞌez neBá, ꞌen tsꞌun ꞌilhiz wheni tube cho uzdílhtiꞌ. ꞋEt ndo honeh.

Colossians 1:2

Nohni Colossia whutꞌenne Christ unidulhne hadih nohtsꞌútni. Christ ꞌen ooyudúlhtsꞌi. Yakꞌusda oochꞌeꞌ ꞌahli. Nohni neulhutsinke ooba ꞌalha ꞌuhoontꞌohne ꞌahli. Yakꞌusda neBá ꞌinkꞌez Jesus Christ neMoodihti, ꞌen tsꞌun nohdzi dóghel ꞌinkꞌez ye unzoo-i cha nohbulh óotꞌeꞌ ha, ꞌet whuz unꞌa za oohtꞌeꞌ hukwaꞌ nuszun.

1 Thessalonians 1:1

Wheni tane tsinli Paul, Silvanus, Timothy, nohni keyoh Thessalonica tsꞌe Yakꞌusda neBá ꞌen ba ꞌilhunaoodulhne, hadih nohtsꞌutni. NeBá Yakꞌusda ꞌinkꞌez Jesus Christ neMoodihti tsꞌun nohba tenazdudli, ꞌet whe ye unzoo-i ꞌinkꞌez nohdzi dizghel nohbulh ootꞌeꞌ.

1 Thessalonians 1:3

Nohnatsꞌulnih-un ꞌaw ꞌetsul lheꞌtsꞌusne, be ꞌalha ꞌuhoontꞌoh-i, ꞌi ghun nohꞌeꞌutꞌen. ꞋInkꞌez be nékꞌetsꞌinsiꞌ-i be soo cho ꞌahtꞌen. ꞋInkꞌez neMoodihti Jesus Christ ꞌen ghun hukwa tse hoohli-un, ꞌaw whula lhduzahni. Yakꞌusda neBá ꞌen oonalh ꞌet ndahtꞌen.

2 Thessalonians 2:16

ꞋEt neMoodihti Jesus Christ dichꞌoh, ꞌinkꞌez Yakꞌusda neBá, ꞌen nekꞌensiꞌ. ꞋEn ye unzoo-i, ꞌi be ꞌilhiz wheni whuz nenilhtꞌi whe ꞌet ooka tse tsꞌuholeꞌ.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 15:4

O neMoodihti mbe nye lhúntilhjut ꞌinkꞌez nyooziꞌ lhedutálhtiꞌ? ꞌalhaꞌ ꞌi be nyunchꞌoh za lubeshi ooghu hooloh-un inli. ꞋUdun keyoh whutꞌenne tsꞌiyawh whusahátidulh ꞌinkꞌez mbut ntsꞌun teniꞌ huntilhdzun. Dune ba nahinyeh-un ꞌawet hooltsai ꞌet huwa.”

Revelation 19:6

ꞋEt whudustsꞌo ꞌantsꞌi dune lhane ꞌilhoh yahatilhduk leꞌ hutni. ꞋAntsꞌi natájilh kꞌunꞌa ꞌuwhutni. ꞋInkꞌez tube cho ditni dutni léꞌwhutni, whe njan duhútni, “Yakꞌusda uzdólhtiꞌ! NeMoodihti Yakꞌusda ꞌukꞌenus ulhtus-un, ꞌen tsꞌiyantsuk kꞌuneꞌ whulꞌen ꞌet huwa.

Revelation 20:4

ꞋEt kwꞌutsꞌuzda cho diztiꞌ-i lhai tísꞌen. ꞋInkꞌez yukꞌudilhtsꞌine, ꞌenne dune ba nahutiyeh-un, ꞌet bughá whuntꞌai. ꞋEt ndunne Jesus ooghuni ghu yalhdukne, ꞌinkꞌez Yakꞌusda ooghuni cha, ꞌet huwa ꞌenne ꞌoh daꞌ butsi kꞌunónutselh. ꞋInkꞌez mbene nyoo khuna-iti ntsiꞌ-i kꞌus ookꞌeyíltsi-i tsꞌun tenelheꞌnílhdzilne, ꞌinkꞌez mbene oonutsi be buninta kꞌus bula kꞌut bukꞌulheꞌíguzne, ꞌenne tsꞌiyawh buzul nusꞌen. ꞋEnne nahukhítnaꞌ ꞌinkꞌez 1,000 yus kꞌut ndúwhulyiz whe Christ ꞌen bulh moodih hinli.