Luke 11:13 - Yak'usda Ooghuni

¹³ Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

Luke 11:13 Iomraidhean Croise

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 6:14

ꞋEt dune nohdulhyoh néꞌhutꞌen de, ꞌinkꞌez buba whunaoodúlhnoh de, ꞌet de nohBá yakꞌuz usda-un, ꞌen cha nohba whunaoodutilnoh.

Matthew 6:30

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

Matthew 6:32

ꞋAlhaꞌ ꞌudun yun kꞌut whutꞌenne hukwa hitísꞌen. ꞋInkꞌez ꞌalha ꞌi be nohBá yakꞌuz usda-un, ndai hoonli be tsꞌuwhulhdoh-i, tsꞌiyawh tꞌeooninzun.

Matthew 7:11

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Luke 11:12

Kꞌus lugok ghez yutsꞌu ha ꞌutni de, ꞌaw ꞌi kꞌet ntsiꞌ-i neoolhtꞌah-i, scorpion huyulhni, ꞌi yutlꞌa yóolhtelh ꞌaitꞌoh.

Luke 11:2

ꞋEt ꞌubulhni, “Nja ndudahni whe tenadoohdli, ‘NeBá yakꞌuz sinda. Nyooziꞌ dótiꞌ. Dahoontꞌoh whe lerwe inli, ꞌet cha netsꞌó tooltsꞌit. ꞋInkꞌez yakꞌuz tsꞌe hukwaꞌ ninzun dahooja la, ndi yun kꞌut cha, whuz unꞌa za ꞌet ndúhoneh.

Luke 18:7

ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

John 4:10

ꞋEt Jesus uyúlhni, “Yakꞌusda huwa íninꞌai-i, tꞌeninzun de, ꞌinkꞌez mbe ꞌutni nyulh yálhduk whe too ntsꞌu ha ꞌutni-un, ꞌen tꞌenínzun de, ꞌet de nyun daꞌ oodolhkut ꞌinkꞌez ndai la too oogha huye khuna-i, ꞌi daꞌ nghá yolhdzeh ooleꞌ,” yúlhni.

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Romans 5:17

Adam oolubeshi ꞌi gha tsꞌiyanne dune yahitádlah. Ndi dune yé datsah-i ꞌaw hila gha óoyaꞌ ꞌaítꞌoh. ꞋEt hoontsꞌi Yakꞌusda ye nétsꞌun unzoo-i, ꞌi ꞌon nus unzoo. Mbene la yílhchootne, ꞌenne ꞌi gha, ꞌantsꞌi negha íninꞌai-i ndultꞌoh, whe Yakꞌusda neúlhni, tsꞌihꞌun dune tsꞌinli. ꞋInkꞌez nedutálhtiꞌ cha whe ꞌilhiz wheni huztinalh. ꞋEt Jesus Christ whuz unꞌa neba hóonla.

Romans 7:18

ꞋAw syustꞌe hoonzoo-un whutsꞌúlhnitꞌi. Hoonzoo te néꞌtistꞌen hukwaꞌ nuszun ꞌet hoontsꞌi ꞌaw oosneh ꞌaitꞌoh.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.