Luke 11:10 - Yak'usda Ooghuni

¹⁰ ꞋEt mbene Yakꞌusda hoonli hitsꞌu hukwa ꞌutni de, bugha whútakulh. Mbe hoonli hukwunútane, nahuhootáꞌalh. ꞋInkꞌez mbe la dati dunulkwꞌuz-un ooba dáhaꞌ dutikwus.

Luke 11:10 Iomraidhean Croise

Matthew 5:42

Mbe la hoonli ntsꞌu háꞌ ꞌutni de, ooghá yonꞌalh. Hoonli dughu sinla nyulhni de, oochꞌaz naoolꞌah junih.”

Matthew 7:8

Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.

Luke 11:11

Nohbáke nohtoh, ooyeꞌ lhes yutsꞌu ha ꞌutni de, ꞌaw tse yutlꞌa dóoꞌalh ꞌaitꞌoh. Kꞌus lho yutsꞌu ha ꞌutni de, ꞌaw ꞌi kꞌet tlꞌughus yutlꞌa oolelh ꞌaitꞌoh.

Luke 11:9

ꞋEt whuz unꞌa nohdusni, Yakꞌusda ndai ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

Luke 18:1

ꞋEt Jesus be whutsꞌodulꞌeh-i, ꞌi ghun ꞌubulhni, dune ꞌahoolhyiz tenahudoodli ꞌinkꞌez whulazdootnih junih.

James 4:3

Yakꞌusda ooka yoodulhkut ꞌet hoontsꞌi ꞌaw nohghá yoꞌalh ꞌaitꞌoh. Hoontsiꞌ hukwꞌunꞌa ooka yoodulhkut. ꞋAntsꞌi nohnihchꞌoh nohba hoonzoo hukwaꞌ nahzun te, bé neꞌtihtꞌen, ꞌet huwa ꞌaw nohghá yoꞌalh ꞌaitꞌoh.

James 5:11

Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.