Luke 10:7 - Yak'usda Ooghuni

⁷ ꞋEt yoh za oohkeꞌ. Ndai nohgha húyaꞌaih ꞌi oohꞌalh ꞌinkꞌez oohtnaiꞌ. ꞋUtꞌenne bube ꞌutꞌen kꞌelha holeꞌ hubaꞌ hoontꞌoh. ꞋInkꞌez lhelhdun yoh te danaóohdaih junih.

Luke 10:7 Iomraidhean Croise

Mark 6:10

ꞋUdun cha ubúlhni, “Keyoh nahꞌaz de dune duyoh dano honilhti de, yoh ꞌet oohkeꞌ ꞌutsꞌun keyoh tsꞌe tíhꞌus whutsꞌun.

Luke 10:6

ꞋEt dune tꞌe dusni-un ꞌet usda de, ꞌet de nohdzi dizghel-un ꞌet dutáꞌalh. ꞋEt ꞌaw nduntꞌoh-un hooloh de, be nohdzi dizghel-i nohtsꞌu nádutiltsꞌulh.

Luke 9:4

Ndet yoh danáhꞌaz-un, ꞌet oohkeꞌ, ꞌinkꞌez ꞌet yoh za whenádohtꞌas.

Acts 16:15

ꞋEt didut ꞌinkꞌez hiyoh dilhtsꞌíne ookꞌekoone tsꞌiyawh too beꞌ hulya. ꞋEt hukwꞌelhꞌaz neghu nusuya, “NeMoodihti soo cho ootꞌa nunistan-un nohba ꞌalha ꞌuhoontꞌoh de, ꞌanih syoh tsꞌe szih dulhtsꞌi,” neyúlhni ꞌinkꞌez ꞌilhiz netsꞌulhéꞌditsꞌil ꞌinka bulh úztizdil.

Acts 16:34

ꞋEt Paul Silas bulh duyoh tsꞌe náboolhti ꞌinkꞌez bughu naꞌuntꞌai, ꞌinkꞌez tube cho whunílhni didut ꞌinkꞌez duyoh dilhtsꞌine te tsꞌiyawh Yakꞌusda buba ꞌalhaꞌ ꞌuntꞌoh suliꞌ ꞌet huwa.

Acts 16:40

Paul Silas bulh ꞌahudinꞌai-un tenáhuntꞌaz ꞌinkꞌez Lydia ooyoh tsꞌe hoozꞌaz. ꞋEt ooba ꞌalha ꞌuhoontꞌohne, ꞌenne cha ꞌet hudilhtsꞌi. Khuni be tsꞌílhtus-i be bubulh yáhalhduk ꞌinkꞌez whenáhitꞌaz.

Galatians 6:6

ꞋEt mbe la Yakꞌusda ghuni hodulhꞌeh-un, ꞌen mbe la whuyodalhꞌeꞌ-un, ꞌen ndai la unzoo-i yutꞌi, ꞌi yuloh ye yulaꞌootꞌen hubaꞌ hoontꞌoh.

1 Timothy 5:13

ꞋInkꞌez cha tsehudutni-un huhodilꞌeꞌ ꞌinkꞌez kwun toh nuhuya. ꞋInkꞌez ꞌaw tsehudutni za iloh, ꞌughu yahulhduk ꞌinkꞌez ꞌuyoonne eꞌutꞌen kꞌoh huwu hinli chaꞌ hintꞌoh. ꞋAw neꞌhudooniꞌ huba lheꞌhootꞌoh, ꞌoh te neꞌhuduniꞌ.

2 Timothy 2:6

Mbe la tube ꞌutꞌen-un haꞌ nulhyeh-un, ꞌen haínalhyai-i, ꞌen cho yuloh yolhchoot hubaꞌ hoontꞌoh.