Luke 10:42 - Yak'usda Ooghuni

⁴² ꞋEt hoontsꞌi ꞌaw ꞌilhoghun ndutsꞌooneh-un ꞌuhoontꞌoh. Mary ꞌukꞌenus hoonzoo-un ꞌutahahónꞌai whe ꞌuhoontꞌoh ꞌinkꞌez ꞌaw oola kꞌéha hooltsꞌit ꞌaitꞌoh.”

Luke 10:42 Iomraidhean Croise

Mark 8:36

Di suba dunne oogha ooltsꞌit, ndi yun kꞌut nduhoolcho whe oogha whultsꞌut de, ꞌinkꞌez duzul nintainilhte de?

Luke 10:39

ꞋInkꞌez bulhtus Mary huyulhni, Jesus yucheh usda ꞌinkꞌez yughuni yoozilhtsꞌai.

Luke 11:1

ꞋEt ꞌilhoh dzin, ꞌilhoghun Jesus tenadudli. ꞋEtsul ꞌudija whe ꞌilhoghun yugha hodulꞌeh-un ꞌuyulhni, “John yugha hodulꞌehne tenaduhudli whubodalhꞌeꞌ, nyun tenazdutidli-un whuneoodilhꞌeh.”

Luke 12:20

ꞋEt hoontsꞌi Yakꞌusda ꞌuyulhni, ‘Whusni-un inli! ꞋAndit ꞌúlhdzis nzul naitálchulh. ꞋInkꞌez di ꞌintꞌi-i, mbe tsꞌu tíkulh?’

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 16:2

ꞋInka ꞌanih yudaniꞌ ꞌinkꞌez ꞌuyulhni, ‘Daja hutni wheꞌ hutni njan nyulh udustsꞌo? Ntsꞌenꞌa syoh whumoodih inli-un tsꞌiyawh sba ꞌukꞌehóonges. Syoh whumoodih inli-un ꞌetsul ꞌinja ꞌet huwa!’

Luke 16:25

ꞋEt hoontsꞌi Abraham ꞌuyulhni, ‘Syeꞌ yinka sinda daꞌ whunailnih eh? Tsꞌiyaitsuk unzoo-i nghánkat. ꞋEt hoontsꞌi Lazarus hoontsiꞌ-un za oogha whunkat. ꞋEt ꞌawet hoonzoo-un ooghá whultsꞌut, ꞌinkꞌez nyun ꞌandit dzoh ninzut.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 8:18

ꞋInka howahli ntsꞌenꞌa la khuni dutáhtsꞌo. Hoontsool-unyaz tꞌehonínzunne, ꞌon nus lhat-un tꞌe honínzun-un, ꞌet bugha whútaltsꞌulh. ꞋInkꞌez mbene la hoonli tꞌewhunúszunne, hoontsool-unyaz hoditsꞌo, ndai la ꞌaw ꞌi huyutꞌi-i huninzun, ꞌi hoontsꞌi bughu nayitálchulh.”

John 11:1

ꞋIlhoghun dune Lazarus huyúlhni, keyoh whuyaz Bethany huwhútni, ꞌet whutꞌen-un. ꞋEn la unduda suliꞌ. Bulhtuske nane Mary ꞌinkꞌez Martha bulh hizih whutꞌi.

John 11:19

Tube bube nghoh whuzꞌai ꞌet huwa lhane Lizwifne bughu nindil. Mary ꞌinkꞌez Martha bulh bubulhutsin dazsai ꞌet whe bunehúdoolhyaꞌ ha ꞌet huwa bugho nindil.

John 12:3

ꞋEt Mary lubot dizbun atꞌen, kꞌunutsꞌújul soo díztiꞌ-i, ꞌughih nard huyulhni, ꞌi utahaltsus-i whusayánꞌai. ꞋI be Jesus yuke yulhlho ꞌinkꞌez dutsighaꞌ be yunaꞌalhde. Yoh ndulcho whe kꞌunutsꞌújul be soo whultsun suliꞌ.

John 17:3

Ndi ꞌilhiz be khuna-i ꞌuntꞌoh, Nyun za tsꞌihꞌun Yakꞌusda inli, ꞌinkꞌez mbene la Jesus Christ whuz de haílhꞌaꞌ-un, ꞌen ꞌuntꞌoh whe ꞌenne bughun soo dudeni be tꞌéhoninzunne, ꞌenne ndi ꞌilhiz huye khuna-i huyutꞌi ꞌet ꞌuhoontꞌoh.

John 4:14

ꞌet hoontsꞌi mbene la too bugha ítasdzoh, ꞌi huyitnaiꞌ de, ꞌaw ꞌon ꞌat taꞌhódaꞌ ꞌaítꞌoh. Mbe la ndi too oogha ínusdzo-un, ꞌi too ꞌahoolhyiz ninli ndultꞌoh, ꞌi be ꞌahoolhyiz wheni huhutinalh,” yúlhni.

John 5:24

Soo tsꞌihꞌun unꞌa nohdúsni, mbene la sghuni ílhchoot ꞌinkꞌez ndun whuz de sútilhꞌaꞌ-un, ꞌen ghun buba ꞌalhaꞌ ꞌuntꞌohne, ꞌenne ꞌilhiz huye khúna-i huyutꞌi. “ꞋAw buba nahoodeh ꞌaítꞌoh, ꞌudaꞌ be datsꞌutsaih-i huye nghoozdil ꞌinkꞌez ꞌilhiz huye khúna-i, ꞌi huyutꞌi.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

1 Corinthians 13:3

Ndai la ookꞌedune tsinli tsꞌiyawh howa núsdla de, ꞌinkꞌez syustꞌe cha dutákꞌun huba butlꞌa yísti, ꞌinkꞌez be nékꞌetsꞌinsiꞌ-i ooyit ꞌustꞌoh de, ꞌet de ꞌaw sba kꞌelha holeꞌ ꞌaítꞌoh.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.