Luke 10:40 - Yak'usda Ooghuni

⁴⁰ ꞋEt hoontsꞌi Martha bugha náꞌtitꞌalh-un tube ꞌunístꞌet. ꞋEt Jesus yughu ninya ꞌinkꞌez ꞌuyulhni, “SMoodihti ꞌantsꞌi mba hoontꞌoh eh sulhtus sichꞌoh za ꞌet nesunilhti butaoostꞌen ha? ꞋEt huwa sla ootꞌen dini!”

Luke 10:40 Iomraidhean Croise

Matthew 14:15

ꞋAwet hulhgha ꞌuhoontꞌoh. Yugha hodulꞌehne highu nindil ꞌinkꞌez huyulhni, “Njan disoh ꞌuhoontꞌoh. ꞋAwet yoo ꞌun hoozulh. Ndunne ꞌutsꞌun keyoh tsꞌe nabalhꞌalh, whuz la huyaꞌalh-i hoket.”

Matthew 16:22

ꞋEt Peter Jesus ꞌudun neínilhti ꞌinkꞌez hukwaꞌ yudániꞌ, “SMoodihti nyun Yakꞌusda ngha teꞌuntazeh! ꞋAw nyulh ꞌet ndúhoneh ꞌaitꞌoh!”

Mark 3:21

ꞋEt hoontsꞌi duduneꞌne huyulh ꞌúdantsꞌo whe, “Beni hoolel” hutni ꞌinkꞌez hika natisdil dudeni yit nintaꞌootꞌen whuchꞌa.

Luke 10:38

ꞋEt hukwꞌelhꞌaz hidulh whe Jesus ꞌudun keyoh tsꞌoozya ꞌinkꞌez tsꞌeke Martha huyulhni, duyoh tsꞌe yughu nuseya.

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 12:29

Tihꞌulh-i ꞌinkꞌez tihtnelh-i cha, ooka daóohtni ꞌinkꞌez ooghuni oohleꞌ junih.

Luke 9:55

ꞋEt butsꞌu nálhꞌa ꞌinkꞌez hukwaꞌ budaniꞌ, ꞌinkꞌez ꞌutni, “Daja nahzun tꞌewhunuzáhzun ꞌet huwaꞌ dahni!

John 11:1

ꞋIlhoghun dune Lazarus huyúlhni, keyoh whuyaz Bethany huwhútni, ꞌet whutꞌen-un. ꞋEn la unduda suliꞌ. Bulhtuske nane Mary ꞌinkꞌez Martha bulh hizih whutꞌi.

John 11:5

ꞋEt Lazarus unduda-un Jesus whulh ꞌúdantsꞌo whe Martha, bulhtus cha, ꞌinkꞌez Lazarus cha tube bukꞌensiꞌ ꞌet hoontsꞌi whutꞌí-un nat dzin, ꞌet nanáꞌilꞌai.

John 12:2

ꞋEt hulhgha naꞌtitꞌulh wheni hiba lhadúja. Martha ꞌen buba hukwꞌeꞌile. ꞋEt Lazarus ꞌen cha bubulh naꞌutꞌalh.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”