Luke 10:33 - Yak'usda Ooghuni

³³ ꞋEt hoontsꞌi ꞌilhoghun Samaria whutꞌen-un, ꞌen cha ꞌoh whuya uyalh whe yutilhꞌen ꞌinkꞌez ꞌaho yugha teꞌninzin.

Luke 10:33 Iomraidhean Croise

Matthew 10:5

ꞋEt ꞌawet ndunne whunizyane ꞌon ꞌat nane, ntsꞌe ꞌuhutitꞌelh Jesus whuz ubutilhꞌah. Khuni butlꞌa danꞌai ndubulhni, “ꞋUdun yun kꞌut whutꞌenne buti tsꞌe ti toohdilh junih. ꞋInkꞌez Samaritan bukeyoh tsꞌu ti whuz te toohyaꞌ junih.

Matthew 18:33

Ngha teꞌniszin, ꞌet whuz unꞌa za ꞌoneh hubaꞌ hoontꞌoh, nyulh ꞌulhna-un tsꞌun!’ yulhni.

Luke 10:32

Whuz unꞌa za ꞌilhoghun dune Levi tsꞌu hainzut-un, ꞌen cha ꞌoh whuya uyalh whe yunalhꞌen ꞌinkꞌez yanchꞌaz lhusiya.

Luke 10:34

Yughu ninya ꞌinkꞌez khe cha yukailhdzo ꞌinkꞌez tsꞌekoo tooꞌ cha, ꞌinkꞌez yukaꞌ dalhꞌoo. ꞋInkꞌez dughunaꞌ kꞌéyilhti ꞌinkꞌez dune ꞌuztez bayoh tsꞌú yoolhti ꞌinkꞌez ꞌet yughinle.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

John 4:9

ꞋEt ndun Samaria tsꞌekeꞌ ꞌen yúlhni, “Nyun Lizwif ꞌintꞌoh ꞌinkꞌez si Samaria tsꞌekeꞌ ꞌustꞌoh, ꞌinkꞌez di haꞌ dini too stsꞌu haꞌ dini?” Lizwifne ꞌaw Samaria whutꞌenne ꞌaw buka lheꞌhunízun.

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”