Luke 10:28 - Yak'usda Ooghuni

²⁸ Jesus ndúyulhni, “Tsꞌihꞌun ꞌudini. ꞋEt ndintꞌen de, ꞌilhiz wheni khutanalh.”

Luke 10:28 Iomraidhean Croise

Matthew 19:17

ꞋEt Jesus ndúyulhni, “Di haꞌ sudini, unzoo-un sudini? ꞋIlhoghun unzoo-un hooloh. Yakꞌusda ꞌaw ꞌen za unzoo whe ꞌuntꞌoh. ꞋEt hoontsꞌi ꞌilhiz be tsꞌotinalh-un hukwaꞌ ninzun de, Yakꞌusda khuni dune tlꞌa idanꞌai-i, ookꞌuneꞌ ꞌintꞌen da.”

Mark 12:34

Jesus tꞌéoonanzin dalcho ꞌi be whunih kꞌunꞌa ꞌudíja ꞌet uyúlhni, “ꞋAwet Yakꞌusda whuLerwe unli whenghoh ꞌintꞌoh.” ꞋEt hukwꞌelhꞌaz ꞌaw ꞌudun hukwa lhúhuyoodílhkulh huyéntsaz ꞌet huwa.

Luke 7:43

ꞋEt Simon ꞌutni, “Mbe ꞌukꞌenus lhai yuba laditni-un, ꞌen ꞌukꞌenus yukꞌentsiꞌ.” ꞋEt Jesus uyúlhni, “Tsꞌihꞌun unꞌa ꞌudinja.”

Romans 10:4

Moses be ꞌudustlꞌus netsꞌu húkwaꞌ ninzun-un, tsꞌiyantsuk Christ neba ꞌetsul ꞌuhóonla. Neba ꞌalhaꞌ ꞌuntꞌoh de, ꞌen gha Yakꞌusda nalh tsꞌihꞌun dune tsꞌinli.

Romans 3:19

ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.

Romans 7:10

Yakꞌusda khuni netlꞌa ídanꞌai-i, ꞌi ꞌilhiz tsꞌuhutinalh-un whunénilhtan, ꞌet hoontsꞌi ookꞌu yasduk huwa kwuncho yo tsꞌe tisyalh-un nawhusꞌai.

Galatians 3:12

ꞋEt Moses be ꞌudustlꞌus be ꞌalha ꞌuhoontꞌoh-i ꞌaw ꞌi gha iloh. ꞋEt mbe dune Moses be ꞌudustlꞌus yukꞌuneꞌ ꞌutꞌen de, ꞌet de ꞌi be ꞌet whuz unꞌa ndi yun kꞌut huhutinalh.