Luke 10:27 - Yak'usda Ooghuni

²⁷ ꞋEt ndúyulhni, “Yakꞌusda nyuMoodihti ndzi ndulcho-i be cha, nzul ndulcho-i be cha, nyunutꞌi tsꞌiyawh ꞌi be cha, nyeni tsꞌiyawh ꞌi be cha ookꞌeoonsiꞌ. ꞋEt dáhoontꞌoh hukwꞌunꞌa nyunchꞌoh kꞌenaintsiꞌ, ꞌet whuz unꞌa za nyulh dune ookꞌeoonsiꞌ.”

Luke 10:27 Iomraidhean Croise

Matthew 19:19

Mbá ꞌinkꞌez nloo bulh ubudólhtiꞌ! Ntsꞌenꞌa la nyunchꞌoh kꞌenainsiꞌ, whuz unꞌa za nyulh dune bukꞌeontsiꞌ!”

Luke 10:26

ꞋEt Jesus ꞌutni, “Ndet ꞌukꞌu whusguz Moses be ꞌudustlꞌus kꞌut? Ookwꞌuyailhduk whe ntsꞌenꞌa mba daja ni?”

Romans 13:9

ꞋEt khuni Yakꞌusda whutlꞌa ídanꞌai-i, ꞌi dune úlhni, “Tsꞌekoo kꞌus dune bulh nintaꞌoohtꞌen junih, dune soolhghelh junih, ꞌundunoohtꞌih junih, ꞌuyoonne ba hoohtsꞌit junih, ꞌuyoonne chꞌeꞌ haꞌ noohzin junih.” Ntsꞌenꞌa la kꞌenatsꞌusiꞌ, whuz unꞌa nohbulh dune bukꞌehtsꞌiꞌ de, ꞌet de ndi Yakꞌusda khuni whutlꞌa ídanꞌai-i ꞌinkꞌez ꞌonghoh-i cha, tsꞌiyawh ookwꞌúneꞌ zuhtꞌen wheꞌ hoontꞌoh.

Galatians 5:13

Sulhutsinke Moses be ꞌudustlꞌus hikꞌúneꞌ ꞌustꞌenne oola naditnine ꞌahli whé ꞌahtꞌoh. ꞋEt hoontsꞌi ꞌaw ꞌilhoghun za nohba whuzꞌai. Ndi whe oola naditni-un ꞌet whahtꞌi, ꞌet hoontsꞌi soo cho khohdleꞌ. Nohyustꞌe nintaꞌtitꞌelh-un, ꞌet whutsꞌu níntꞌi de, ꞌet hólhchoot junih! ꞋEt kꞌus be nékꞌetsꞌinsiꞌ-i, ꞌi be lhba neꞌóohtꞌen.

Hebrews 8:10

ꞋInkꞌez hukwꞌelhꞌaz Israel buzkehke ꞌandidi-i, ꞌi khuni buba lhaídutisdle. Nus de, ni neMoodihti, sghuni bubeni táwhudutasdlelh, ꞌinkꞌez budzi kꞌut cha ꞌukꞌehóotasgus. ꞋInkꞌez si buYakꞌusda tisdleh, ꞌinkꞌez ꞌenne sduneꞌne hutileh.

James 2:8

Yakꞌusda nelerwe, ndi ooghuni netlꞌa ídanꞌai-i neba ꞌukꞌeyánguz-i, ꞌet njan ndutni, “Ntsꞌenꞌa la nohnichꞌoh kꞌenahsiꞌ, whuz unꞌa za ꞌuyoonne bukꞌeoohsiꞌ.” ꞋEt nduhtꞌen de, ꞌet sooꞌ hoontꞌoh.

1 John 3:18

Tsꞌoodunneyaz ꞌaw khuni be za lhkꞌetsꞌoosiꞌ uzdoonꞌ. Soo tsꞌihꞌun unꞌa ne-eꞌutꞌen be cha lhkꞌetsꞌootsiꞌ.