Luke 10:24 - Yak'usda Ooghuni

²⁴ Nohdusni lhane nus hooꞌenne ꞌinkꞌez lerwene cha dalcho-i be ndet hoohꞌen-un hotiꞌelh hukwaꞌ huninzun, ꞌet hoontsꞌi ꞌaw lhuhuhóoꞌel. ꞋInkꞌez whudáhtsꞌo-un cha hidutátsꞌo hukwaꞌ huninzun ꞌet hoontsꞌi ꞌaw lhohoditsꞌil.”

Luke 10:24 Iomraidhean Croise

Matthew 13:16

ꞋEt hoontsꞌi nohni nohna be whunulhꞌen-un, tsꞌihꞌun unꞌa whunulhꞌen. ꞋInkꞌez nohdzeh whe soo whúdahtsꞌo, ꞌet huwa ꞌukꞌenus hoonzoo-un nohghá whultsꞌut.

Luke 10:23

ꞋInkꞌez yugha hodulꞌehne butsꞌu nálhꞌa ꞌinkꞌez yoo yo whútsul ubúlhni, “Ndet la hoohꞌen-un ꞌuyoonne duna be honilhꞌen, ꞌukꞌenuz hoonzoo-un bugha whultsꞌut.

Luke 10:25

ꞋEt hukwꞌelhꞌaz ꞌilhoghun Moses beꞌ ꞌudustlꞌus ꞌuyoo unli be yalhduk-un dudinya ꞌinkꞌez Jesus ꞌonilha yoodulhkut, “Nehodulhꞌeh-un datistꞌelh whe ꞌilhiz be tsꞌukhuna-i stlꞌa ootiltsꞌulh?”

John 8:56

Nohbá Abraham tube hóontꞌiꞌ whe sdzin honꞌen. ꞋAwet whunalhꞌen ꞌinkꞌez tube whunálhni.”

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

Hebrews 11:39

ꞋEt ndunne tsꞌiyawh be buba ꞌalha ꞌuhoontꞌoh-i, ꞌet huwa hoonzoo kꞌunꞌa bughu yainduk. ꞋEt hoontsꞌi ndet butsꞌu hoosdzi-un, ꞌaw butlꞌa lhúhoozulh.