Luke 10:22 - Yak'usda Ooghuni

²² ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeooninzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez ooYeꞌ ꞌonghohne whubuntilhtun hukwaꞌ ninzun de, ꞌen za oobaꞌ hoontꞌoh.”

Luke 10:22 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:27

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

John 10:15

ꞋEt whuz unꞌa za sBá ꞌen tꞌésunínzun ꞌinkꞌez si cha tꞌenuszun. ꞋInkꞌez seꞌ ꞌusbaine be khúsna-i buba oola dutisnih.

John 13:3

ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 17:10

Ndai la si schꞌeꞌ unli-i, ꞌi nyun nchꞌeꞌ ꞌuntꞌoh, ꞌinkꞌez ndai la nyun nchꞌeꞌ unli-i, si schꞌeꞌ ꞌuntꞌoh. ꞋInkꞌez ꞌenne bugha ꞌawet sba whudáltiꞌ.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 17:26

ꞋInkꞌez Nyun nghun soo cho dudeni be tꞌehonózin ubuzúsi. ꞋInkꞌez Nyun nghun ꞌon ꞌun cha soo cho tꞌéhontázin ubutíselh. ꞋEt huwa la ndai la be skꞌensiꞌ-i buyo doꞌaꞌ, ꞌinkꞌez si cha buyo dutisdalh.”

John 17:5

ꞋInka sBá, ndi yun kꞌut ꞌuwhutálnelh whutsodaꞌ, ndai la nyun bulh ꞌoh daꞌ bé whúdaltiꞌ-i, ꞌi be ꞌandit doo cha za sba whudílhtiꞌ.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

1 Corinthians 15:24

ꞋEt whula toh suliꞌ de, nduwhi tsꞌiyawh ꞌudaꞌ ꞌuhooja tileh. ꞋEt ꞌoh de de oolatoh whutáleh de, tsꞌiyanne moodihtine, ndi yun kꞌut be tsꞌilhtus cha, ndet la ndi yun kꞌut ꞌinkꞌez yat cha, ꞌi tsꞌiyawh ꞌalhgoh musai yutilhtselh. ꞋEt hukwꞌelhꞌaz ndai Jesus Christ dichꞌoh za yugha lerwe unli-un, ꞌi tsꞌiyawh Yakꞌusda tlꞌa ítilelh. ꞋEt whuz unꞌa ꞌudekꞌez dzin whutáleh wheꞌ hoontꞌoh.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

Ephesians 1:21

ꞋEt whutsꞌun Christ tsꞌiyawh buba ndo ꞌuntꞌoh. Mbene ꞌudetso whudilhdzulhne, butso whudilhdzulh. Mbene dune ando ꞌuntꞌohne, buba ndo ꞌuntꞌoh. Mbene la ulhtusne, ꞌenne cha kꞌuneꞌ bulꞌen. ꞋInkꞌez mbene la moodih unline, ꞌenne bumoodihti ꞌuntꞌoh. ꞋAndit ꞌaho ꞌinkꞌez whuz de whudizulh-un, ꞌet hoontsꞌi mbene la booziꞌ nchane, ꞌenne tsꞌiyawh Christ buba ndo ꞌuntꞌoh.

Hebrews 2:8

Tsꞌiyaitsuk ooke tꞌah nenínla yumoodihti ooleꞌ ha.” ꞋInkꞌez ndi ooke tꞌah nenínla-i, ꞌaw hoonliyaz yit lheꞌínel. ꞋEt hoontsꞌi tꞌetsꞌoninzun ꞌawhuz tsꞌiyaitsuk ooke tꞌah nelhúskat.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.

2 John 1:9

Mbe nintaꞌutꞌih-un ꞌinkꞌez Christ khuni be ooghu yaduk-i, ꞌaw lhuyóotun de, ꞌaw Yakꞌusda cha lhítꞌih. Mbe la ndi Christ ooghu yaduk-i yoontun de, neBá duYeꞌ bulh nahúltꞌoh ubutꞌi whé ꞌuntꞌoh.