Luke 10:20 - Yak'usda Ooghuni

²⁰ ꞋEt hoontsꞌi ntsiꞌ-i nududeh-i nohkꞌuneꞌ ꞌutꞌen, ꞌet huwa iloh whunúlhni. ꞋEt kꞌus ndo yakꞌuz nohooziꞌ ꞌukꞌusguz, ꞌet huwa whunólhni.”

Luke 10:20 Iomraidhean Croise

Matthew 10:1

ꞋEt whunizyane ꞌon ꞌat nane Jesus yugha hodulꞌehne, ꞌanih ubudániꞌ. Ntsiꞌ-i nududeh-i tsꞌiyawh whe hílhtus-un, ꞌinkꞌez kꞌuneꞌ boolꞌen ha, ꞌet cha, ꞌinkꞌez dada lhelhdoh didoh-i cha, ꞌet tsꞌiyawh soo naꞌbotilhꞌelh-un, butlꞌa hónꞌai.

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Matthew 27:5

Ndi tat whunizyai silver tsꞌutni-i sooniya lugliz whucho yun bubut nayántsut, ꞌinkꞌez ꞌaz whe naja ꞌinkꞌez senáꞌusguz.

Philippians 4:3

ꞋInkꞌez nyun tsꞌihꞌun stsꞌú ditni-un inli, ntsꞌu tedusdli, ndunne tsꞌekoo, khuni unzoo-i be sla ꞌitꞌenne, ꞌenne bula ꞌintꞌen. Clement, ꞌen cha, ꞌinkꞌez ꞌonghohne cha sla ꞌitꞌenne, ꞌenne tsꞌiyawh ndi ꞌudustlꞌus khunane bubooziꞌ ookꞌusguz-i, ꞌi kꞌut ꞌenne cha bubooziꞌ ꞌukꞌusguz.

Hebrews 12:23

ꞋInkꞌez ndunne Yakꞌusda ooba ꞌalhaꞌ yintꞌohne tsꞌiyanne ꞌilhunaoodulh buba whuzꞌai. Mbe ꞌudechoo whuzdli-un oosdzi-un, ꞌen mbene oochꞌeꞌ yinline, ꞌenne yakꞌuz tsꞌe bubooziꞌ ꞌukꞌusguz, ꞌenne cha ꞌet hudilhtsꞌi. Yakꞌusda ꞌen tsꞌiyanne ba nahiyilh-un, ꞌen cha ꞌet usda. ꞋInkꞌez mbene la tsꞌihꞌun unꞌa lhadúlyane, ꞌenne buyughi-i, ꞌi cha ꞌet ꞌuntꞌoh.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.

Revelation 17:8

Ndi khuna-iti ntsiꞌ-i nalhꞌen-i, ꞌi ꞌantꞌeꞌ inleꞌ ꞌinkꞌez ꞌandit hooloh, ꞌinkꞌez tsa kꞌet whucho whutlꞌah hooloh-un whuz de ha tílgwulh ꞌinkꞌez ntsꞌe la musai tileh tsꞌun tilgwulh. ꞋInkꞌez ndi yun ꞌudechoo ꞌulya whutsꞌun, ndunne ndi yun kꞌut whutꞌenne, ndi ꞌilhiz tsꞌukhuna-i be ꞌudustlꞌus kꞌut, ꞌi kꞌut ꞌaw bubooziꞌ ꞌukꞌu lhíguzne, ndi khuna-iti ntsiꞌ-i ꞌantꞌeꞌ inleꞌ, ꞌinkꞌez ꞌandit hooloh, ꞌet hoontsꞌi hoonli ꞌuntꞌoh, ꞌenne huyanꞌen de buba hootácha.

Revelation 20:12

ꞋInkꞌez yaidlane ntsoolne, nchane cha Yakꞌusda but nuhúdilhya hubutísꞌen. ꞋInkꞌez ꞌudustlꞌus lhai ookꞌu neꞌúsguz-i, ꞌi lhkꞌenankat. ꞋInkꞌez ꞌuyoo ꞌudustlꞌus ookꞌu neꞌúsguz-i, ꞌi tsꞌukhuna wheꞌ ꞌudustlꞌus, ꞌi cha lhkꞌenankat. ꞋInkꞌez yaidlane bube ꞌutꞌen kꞌoh huwa ndi ꞌudustlꞌus lhai ꞌukꞌu husguz-un, ꞌi gha buba nahisda.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.

Revelation 21:27

ꞋEt hoontsꞌi hoonliyaz dutsun-i ꞌet daóoltsꞌit ꞌaitꞌoh. Kꞌus mbe la hubaꞌ whuninzun tuneꞌ ꞌutꞌenne, ꞌinkꞌez whutsꞌitne cha, ꞌaw dahóodilh ꞌaitꞌoh. Mbene la ꞌusbaiyaz tsꞌukhuna be ꞌudustlꞌus kꞌut ꞌukꞌusguzne, ꞌenne za bubaꞌ hoontꞌoh ꞌet huwa.

Revelation 3:5

Mbene la ꞌutꞌen untsiꞌ-i chꞌaꞌ ꞌulhdehne, naih ꞌulhyul-i be húdutaltsꞌilh. Ndi ꞌilhiz tsꞌukhuna-i be ꞌudustlꞌus kꞌut, ꞌaw bubooziꞌ ꞌukꞌu natoosges ꞌaitꞌoh. SBá ꞌinkꞌez oolizas bulh ꞌenne bubut ꞌenne schꞌeꞌne hinli budutásnelh.