Luke 10:2 - Yak'usda Ooghuni

² ꞋEt ꞌubulhni, “ꞋAwet háꞌ nukat-un newhúninzut ꞌinkꞌez tlꞌo maiꞌ lhai suliꞌ, ꞌet hoontsꞌi ꞌutꞌenne ꞌaw soo lheꞌhuniltsuk. ꞋEt huwa Yakꞌusda haꞌ nukat-un whumoodih, ꞌaꞌ duninla-un ꞌuyoonne cha ꞌutꞌenne whusáboolhꞌaꞌ, ꞌet huba tenadahdli.

Luke 10:2 Iomraidhean Croise

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Mark 13:34

ꞋEt dune nilhdzaꞌ keyoh tsꞌe whinya leꞌ leꞌ hoontꞌoh, ꞌinkꞌez yuba ꞌutꞌénne ꞌet nébuninla ꞌilhone hinli whe dude ꞌutꞌen ꞌuhoolhꞌen ha, ꞌinkꞌez ꞌet dati ghunli-un uyúlhni, ‘Soo cho huwonleꞌ!’

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Mark 16:20

Yugha hodulꞌehne ndulcho nahúdilh, ꞌinkꞌez dune bulh yáhalhduk. NeMoodihti bubulh ꞌútꞌen ꞌinkꞌez be úlhtus-i butlꞌa dánꞌai, ꞌet huwa ooghuni be yahulhduk-un, ꞌalhaꞌ hutni wheꞌ hutni. ꞋEt ndo honeh.

Luke 9:1

ꞋEt whunizyane ꞌon ꞌat nane yugha hodulꞌehne Jesus ꞌalhgoh bukaꞌ daniꞌ. Ntsiꞌ-i nududeh-i, tsꞌiyawh whe hílhtus-un cha, ꞌinkꞌez himoodih hooleꞌ ha, ꞌet bugha óoninꞌai. ꞋInkꞌez dune hukwꞌe hunduda-un, ꞌet cha soo naꞌboohoolhꞌen, cha bugha óoninꞌai.

Acts 11:19

Stephen hizilhghi hukwꞌelhꞌaz ndunne Yakꞌusda kꞌuneꞌ ꞌutꞌenne bube húzula, ꞌet ꞌoh daꞌ Yakꞌusda kꞌuneꞌ ꞌutꞌenne tsꞌiyawh yahándil. ꞋInka whulohne nilhzaꞌ Phonecia tsꞌe, Cyprus ꞌinkꞌez Antioch tsꞌe cha whe hándil. Khuni Unzoo-i Lizwifne za be bubulh yáhulhduk.

Acts 13:2

Soo húhoonih ꞌinkꞌez neMoodihti hiba ꞌútꞌen whutoh, Ndoni ubúlhni, “Barnabas Saul bulh sba ꞌudun nébutalhtelh, ndi ꞌutꞌen bugha ínusꞌai-i ꞌuhuyooleh ꞌet wheni.”

Acts 13:4

ꞋEt Ndoni ubutílhꞌaꞌ whe Barnabas ꞌinkꞌez Saul bulh Seleucia tsꞌe hoozdil, ꞌet whutsꞌun noo Cyprus huyúlhni tsꞌe hoozki.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

Acts 22:21

ꞋInkꞌez neMoodihti ꞌusúlhni, ‘Inyalh, nilhdzaꞌ ꞌudun yun kꞌut whutꞌenne butúz nyutisꞌalh!’”

Acts 8:4

ꞋEt ꞌawet ooba ꞌalha ꞌuhoontꞌohne ndulcho whe nuhúdilh ꞌinkꞌez ndi khuni unzoo-i huye yálhduk.

1 Corinthians 12:28

ꞋInkꞌez ꞌilhunaoodulhne butoh, Yakꞌusda ꞌutahábanla whe whélꞌaꞌne, ꞌenne ꞌudechoo nébuninla. ꞋEt nus hooꞌenne whulh nat-un nébuninla. ꞋEt dune hodulhꞌehne whulh tat-un nébuninla. ꞋEt ꞌon ꞌat-un huwa ꞌítꞌen túneꞌ ꞌutꞌenne nébuninla. ꞋEt ꞌon ꞌat-un dune soo naꞌyulhꞌenne nébuninla. ꞋEt ꞌon ꞌat-un ꞌuyoonne laꞌ ꞌutꞌenne nébuninla. ꞋEt ꞌon ꞌat-un dune moodihne nébuninla, ꞌinkꞌez whulohne lhelhtsꞌun unꞌa yahalhduk nébuninla.

1 Corinthians 15:10

ꞋEt hoontsꞌi Yakꞌusda ye unzoo-i, ꞌi gha ntsꞌenꞌa dastꞌoh, ꞌet whuz unꞌa za ꞌustꞌoh. ꞋInkꞌez Yakꞌusda whe stsꞌun únzoo-i, ꞌaw ꞌantsꞌi lheꞌhóotꞌoh. ꞋEt whelꞌaꞌne butoh buba nus ꞌultus-i be ꞌistꞌen. ꞋAw si iloh, Yakꞌusda ye unzoo-i sulh ꞌúntꞌoh, ꞌi be ꞌústꞌen.

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

Philippians 2:21

ꞋUyoonne tsꞌiyawh didutchꞌoh dude ꞌutꞌen kꞌoh za hukwa hunuta, ꞌaw Jesus Christ be ꞌutꞌen kꞌoh iloh.

Philippians 2:25

ꞋEt howu nuni nuszut, Epaphroditus ꞌen nohtsꞌun tóosꞌaꞌ hubaꞌ hoontꞌoh. ꞋEn neulhutsin ꞌuntꞌoh. Sulh ꞌutꞌen-un cha ꞌuntꞌoh ꞌinkꞌez ꞌilhoh salda ídli. ꞋEt nohni nohba khuni naꞌá-un cha unli. ꞋEn ꞌuntꞌoh ndet hukwaꞌ nuszun-un, ꞌet whunilhchoh whe sla ꞌutꞌen.

Philippians 2:30

ꞋEt Christ ꞌen be ꞌutꞌen kꞌoh huwa, ꞌutꞌen ooba lhai kꞌet, ꞌankwꞌus dazsai. Dichꞌoh ye khuna-i, ꞌi hoontsꞌi ooba ꞌantsꞌi yintꞌoh. ꞋEt huwa ndet whe sla tihnelh inleꞌ, ndai la be sla lheꞌáhnel-i, ꞌi tsꞌiyawh dichꞌoh ye sla ꞌuja.

Colossians 1:29

ꞋEt huba soo hoolhtus whe ꞌustꞌen. Ntsꞌenꞌa ye ulhtus-i, ꞌi ye sílhtus whe ꞌustꞌen, ꞌet ꞌuwhultus whe ꞌustꞌen.

Colossians 4:12

Epaphras ꞌen cha nohbulh ꞌilhoghun ꞌuntꞌoh, ꞌinkꞌez hadih nohúlhni. Christ ooba ꞌulhna ꞌuntꞌoh. Soo kꞌus hooncha whe nohba tenadudli. ꞋEt whe Yakꞌusda nohtsꞌun hukwaꞌ ninzun-un, tsꞌihꞌun unꞌa ꞌen ba nudútalhyalh ꞌinkꞌez lhadúlyane cha tihleh.

1 Thessalonians 2:9

Neulhutsinke soo cho whunalhnih, ꞌoh daꞌ ntsꞌoh tuneꞌ tsꞌutꞌen ꞌulhdzis ꞌinkꞌez dzin ꞌi bulh lhla tsꞌóodatꞌelh! Tube neba howa whulnaꞌ tꞌeoonahzun, doo ka la nohba howa whulnaꞌ tsꞌuhoolhtselh ꞌet whuchꞌa. ꞋEt whuz unꞌa Yakꞌusda ooghuni unzoo-i be nohbulh yatsꞌulhduk.

1 Thessalonians 5:12

Neulhutsinke wheni soo cho nohtsꞌu tezdudli, mbene la nohtoh Jesus Christ ba ꞌutꞌenne, ꞌenne neMoodihti gha nohghu hinli ꞌinkꞌez nohba huwhunih nunatsꞌuhulyeꞌ, ꞌenne ꞌuntꞌohne nohba hooleꞌ.

2 Thessalonians 3:1

Sulhutsinke ꞌudekꞌez nohdusni, neba tenadoohdli. NeMoodihti ooghuni ꞌa cho nohtadókat ꞌinkꞌez nohba dótiꞌ nohni dáhja la, whuz unꞌa.

1 Timothy 4:10

ꞋEt wheni ꞌutsꞌutꞌen ꞌinkꞌez dzóh nutsꞌudeh. Yakꞌusda khuna-un, ꞌen ootꞌa niuznitan ꞌet huwa. ꞋEn tsꞌiyanne butilhyis hukwaꞌ ninzun, ndunne yuba ꞌalhaꞌ yintꞌohne, ꞌenne soo ubulhyis.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

Philemon 1:1

Si Paul ꞌustꞌoh. Jesus Christ ba ꞌadusꞌai. Timothy neulhutsin, sulh ꞌuntꞌoh. Philemon nyun ntsꞌo kꞌetisgus. Neulhutsin, nkꞌetsꞌinsiꞌ. Nekꞌeke ꞌinkꞌez nebulh ꞌutꞌen-un inli.

Hebrews 3:6

ꞋEt hoontsꞌi Christ, ꞌuYeꞌ kꞌunꞌa whe duBá ooyoh huwunleꞌ. ꞋEt ooka tse tsꞌúhooli-i, nedzi yoo do cho whe tsꞌodólhtiꞌ, ꞌinkꞌez ootꞌa niuznintan, ꞌinkꞌez ꞌudekꞌez dzin whutsꞌun soo cho tsꞌoontun de, ꞌet de ooyoh whutꞌi-un tsinli whe ꞌutsꞌintꞌoh.

Revelation 2:1

“ꞋEt keyoh Ephesus dune Yakꞌusda ba ꞌilhunaoodúlhne bulizas ꞌen ootsꞌó kꞌeinges: Mbe la lhtakꞌantꞌi sum nailhni oola kꞌet ꞌinkꞌez lhtakꞌantꞌi be hóotꞌen-i toh nuya-un, ꞌen njan ndutni: