Luke 10:17 - Yak'usda Ooghuni

¹⁷ ꞋEt lhtakꞌantꞌit whunizyane huhoontꞌiꞌ whe whusanáhidil. ꞋEt nduhúyulhni, “NeMoodihti ntsiꞌ-i nududeh-i hoontsꞌi, nyooziꞌ gha nekꞌuneꞌ hutꞌen!”

Luke 10:17 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Mark 16:17

Mbene la ooba ꞌalhaꞌ ꞌustꞌohne, ꞌenne la be úlhtus-un bugha óotasꞌalh. Si sooziꞌ gha ntsiꞌ-i nududeh-i dune tsꞌu ha náhuyuntiyulh. ꞋUyoo khuni be cha yahatilhduk.

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 10:20

ꞋEt hoontsꞌi ntsiꞌ-i nududeh-i nohkꞌuneꞌ ꞌutꞌen, ꞌet huwa iloh whunúlhni. ꞋEt kꞌus ndo yakꞌuz nohooziꞌ ꞌukꞌusguz, ꞌet huwa whunólhni.”

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 9:1

ꞋEt whunizyane ꞌon ꞌat nane yugha hodulꞌehne Jesus ꞌalhgoh bukaꞌ daniꞌ. Ntsiꞌ-i nududeh-i, tsꞌiyawh whe hílhtus-un cha, ꞌinkꞌez himoodih hooleꞌ ha, ꞌet bugha óoninꞌai. ꞋInkꞌez dune hukwꞌe hunduda-un, ꞌet cha soo naꞌboohoolhꞌen, cha bugha óoninꞌai.

Romans 16:20

Yakꞌusda ꞌen whudizghel-un negha whuꞌaih-un, ꞌaw lhotuszit whe Satan nohketlꞌah gak yutilhtselh. ꞋEt nohba tenadusli neMoodihti Jesus Christ ye únzoo-i, ꞌi nohbulh ꞌóotꞌeꞌ ha.

Ephesians 5:24

ꞋEt huwa wheni Yakꞌusda ba ꞌilhunaoodulhne, ntsꞌenꞌa Christ neando ꞌuntꞌoh ookꞌuneꞌtsꞌutꞌen, ꞌet whuz unꞌa tsꞌekoo cha dukike tsꞌiyantsuk whe bukꞌúneꞌ hootꞌen.