Luke 10:11 - Yak'usda Ooghuni

¹¹ ‘Nohkeyoh whulez neke ghu hoonli-i, nohchꞌa búnaꞌtsꞌalhde. ꞋEt hoontsꞌi tꞌewhunóhzin Yakꞌusda whulerwe-un nohenghoh ꞌuhoontꞌoh,’ budóhniꞌ.

Luke 10:11 Iomraidhean Croise

Matthew 10:14

Mbene la ꞌaw nohghu nulhúhiyal ꞌinkꞌez lhunoh huhoozilhtsꞌai de, yoh tenaoohdilh kꞌus keyoh whuti cha whuchꞌa naoohdilh. ꞋInkꞌez nohke lhez chꞌa naoohghat.

Matthew 10:7

ꞋAhdulh whe ꞌet budóhni, ‘Ntsꞌenꞌa la yakꞌuz kꞌúneꞌ whulꞌen-un ꞌawet nilhdukw.’

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Mark 6:11

ꞋInkꞌez keyoh nenáhꞌaz-un dune nohtsꞌu hódilhꞌoh de kꞌus lhunohodústsꞌo de huwu nátóohtꞌas ꞌinkꞌez whulez chꞌa nohke naóohghat. ꞋEt dahúja-un tꞌehonoozeh. Tsꞌihꞌun nohdúsni Sodom ꞌinkꞌez Gomorrah whutꞌenne buba nus hootatsiꞌ. ꞋUdékꞌez dzin de huyé dzoh nutízut-i ba nús ꞌet lhunohdústsꞌone dzoh nahutideh.”

Luke 10:10

ꞋEt ntsꞌe la keyoh tsꞌoozahꞌaz-un, ꞌaw nohghu nulhíhiyal de, ꞌet ti kꞌenaoohja, ꞌinkꞌez ꞌudoohniꞌ,

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 9:5

ꞋEt mbe la danáhꞌas lhuhonohdúsnine, ꞌet keyoh howu natihtꞌus whutsꞌo, ꞌet whulez chꞌa nohke naóohghat. ꞋI gha la tꞌehonózin bukꞌehóotaltsꞌulh-un.”

Acts 13:26

ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.

Acts 13:40

ꞋEt huwa huwuhli ndet la Yakꞌusda be nus hooꞌenne huwu yuhalhduk-un, ꞌet nohbulh ꞌúhoneh junih!

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!

Acts 13:51

ꞋEt ꞌinka ꞌet keyoh whulez chꞌa dukegon naháyanghat ꞌinkꞌez keyoh Iconium tsꞌe hoozꞌaz.

Romans 10:21

ꞋEt hoontsꞌi Yakꞌusda Isaiah ꞌen gha Israel ooduneꞌne njan ꞌet ꞌúbulhni, “Dzin dulyiz whe nohkaꞌdúzni khun tilah stsꞌu tóohdilh ha. ꞋEt hoontsꞌi ꞌaw ꞌukꞌú nulheꞌustꞌenne ꞌinkꞌez ꞌutsꞌun ꞌuninzunne hinli. ꞋInkꞌez ꞌaw stsꞌó tooyaꞌ hukwa lheꞌhunízun.”

Romans 10:8

ꞋEt Yakꞌusda ooghuni daja ni whe ꞌutni? Njan ꞌet ꞌukꞌehóoguz, “Ndi khuni oogha tsꞌihꞌun unꞌa ꞌuztitꞌelh, ꞌi ne-enghoh dizꞌai whe ꞌuntꞌoh, neze cha ꞌinkꞌez nedzi yo cha dizꞌai.” ꞋI khuni be ꞌalha ꞌuhoontꞌoh-i be nohbulh yátsꞌulhduk, ꞌi ꞌuntꞌoh.

Hebrews 1:3

ꞋEn za ꞌuntꞌoh ooBá ye diztiꞌ-i, ꞌi whunénulhtun. ꞋInkꞌez ooBá dantꞌoh la, ꞌet ooYeꞌ ꞌen soo tsꞌihꞌun yundultꞌoh. ꞋUhóonla-un, ooghuni ulhtus-i be yalhduk-un, ꞌi be ndulcho hoontun. ꞋEn za ꞌuja, nelubeshi ꞌi tsꞌiyawh neba yunaꞌalhde. ꞋEt hukwꞌelhꞌaz ꞌet yakꞌuz tsꞌe Yoodoghun ncha-un, ꞌet nailhni tsꞌe yughu nátlꞌa didaꞌ.