Luke 1:79 - Yak'usda Ooghuni

⁷⁹ Tsalhgus yo dilhtsꞌine ꞌinkꞌez datsahne cha, ꞌenne tsꞌiyawh ubeídutadih. ꞋInkꞌez lhutiyalh-un whe nedzi sooꞌ hotꞌeꞌ, ꞌet ntsꞌe whe honꞌa-un, ꞌet whuneuntilhtun. ꞋEt huwa Yakꞌusda be nus honꞌen-un nyo dutanelh,” ni Zacharias.

Luke 1:79 Iomraidhean Croise

Matthew 4:16

Mbene la tsalhgus yo dilhtsꞌine, ꞌenne kwun uncha-i hitilhꞌen. Ntsꞌe la yun kꞌut sa whusꞌih whuzꞌai-un, ndi sa whusꞌih, ꞌi be daztitsah-i, ꞌi ꞌuntꞌoh. Mbene la ꞌet whutꞌenne, ꞌenne be hóotꞌen unli-i, ꞌi be buba yulhkai ꞌuhooja.”

Luke 2:32

ꞋUdun yun kꞌut whutꞌenne cha buba be hootꞌen-i ꞌuntꞌoh. ꞋEn be hitiꞌelh. ꞋInkꞌez Israel ooduneꞌne, cha buba idiztiꞌ-un ꞌen ꞌuntꞌoh,” ni.

John 1:9

Ndi be hóotꞌen-i, ꞌi tsꞌihꞌun ꞌuntꞌoh, ꞌinkꞌez be hóotꞌen-i, ꞌi tsꞌiyanne dune bugha itaꞌalh, ꞌet wheni ꞌen ndi yun kꞌeínya.

John 12:46

Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞋEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.

John 8:12

ꞋEt Jesus doo cha za bubulh yálhduk whe ndutni, “Si ꞌustꞌoh yinka whuduneꞌne buba be hóotꞌen-i usdli. Mbe la suniyalh-un, ꞌaw tsálhgus yo hutooyaꞌ ꞌaítꞌoh, kꞌus ndi be hóotꞌen-i higha ꞌilhiz wheni hutinalh-i, ꞌi la huyótꞌeꞌ,” ubúlhni.

John 9:5

ꞋAwhuz ndi yun kꞌut susda whe, ndi yun kꞌut whuduneꞌne buba be hóotꞌen-i usdli.”

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Romans 3:17

ꞋAw tsꞌihꞌun unꞌa yinka hudilhtsꞌí-un ꞌaw tꞌehonúszun.

Ephesians 5:8

ꞋOh daꞌ tsálhgus yo dúlhtsꞌi inleꞌ ꞌet huwa. ꞋEt ꞌandit neMoodihti, ꞌen be hootꞌen-i nohba suliꞌ. ꞋInka tsꞌoodunne be hootꞌen-i niz nuhúdilh ꞌet ndóhtꞌeꞌ hubaꞌ hoontꞌoh.