Luke 1:77 - Yak'usda Ooghuni

⁷⁷ ꞋInkꞌez ooduneꞌne soo cho tꞌehozoozeh uzditijih-un ꞌinkꞌez nelubeshi cha neba gak yutilhtselh, ꞌet huwun nedutanelh.

Luke 1:77 Iomraidhean Croise

Luke 3:3

ꞋEt Jordan koh whunat ꞌoh nuya whe dune hubulh yalhduk too beꞌ hoolneh ha. ꞋEt whubunulhtun dulubeshi chꞌa dudeni náhoondunooleh ha. ꞋEt whe lubeshi buba hooloh yutilhtselh.

Luke 3:6

ꞋInkꞌez Yakꞌusda dune ulhyis-un, tsꞌiyanne whutiꞌelh.’”

John 1:29

ꞋOm bun dzin Jesus yutsꞌun uyalh whe John yutilhꞌen, ꞌinkꞌez ꞌutni, “Nulhꞌen, Yakꞌusda be ꞌusbaiyaz. ꞋEn ꞌutꞌen yinka duneꞌne bulubeshi butsꞌu ha yule, ubúlhni.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 19:4

ꞋEt Paul ꞌutni, “Be too beꞌ tsꞌulꞌih John dune too be ꞌulhꞌen-un yughu yailhduk-i, mbene la dulubeshi yuchꞌaz nálhꞌane, ꞌenne bubaꞌ yintꞌoh. ꞋInkꞌez Israel ootsꞌu hainzutne cha ubúlhni inleꞌ, ‘Mbe la skꞌelhꞌaz whusatíyalh-un, ꞌen nohba ꞌalha ꞌootꞌeꞌ,’ Christ ꞌen Jesus ꞌuntꞌoh.”

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Romans 3:25

Yakꞌusda duYeꞌ ndi yun kꞌut whutꞌenne yúbunilhtan Yakꞌusda soo cho butsꞌu naitotꞌen ha. ꞋEt Jesus Christ buzkaiꞌ gha neba ꞌalha ꞌuhoontꞌoh ꞌet whe Yakꞌusda dukꞌeke naneulhtsi. ꞋEt whuz unꞌa dichꞌoh tsꞌihꞌun ꞌuntꞌoh-un, ꞌet whunenilhtan. ꞋUdaꞌ dune lubeshi ꞌuhalhꞌen-un Yakꞌusda buba ꞌun yutilhdil.

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.