Luke 1:75 - Yak'usda Ooghuni

⁷⁵ Lubeshi lheꞌulhꞌenne ꞌuztileh ꞌinkꞌez tsꞌihꞌun unꞌa ꞌuztitꞌelh, Yakꞌusda oonalh dzin totsuk tsꞌukhuna whe oobaꞌ uztitelh.

Luke 1:75 Iomraidhean Croise

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Luke 1:74

ꞌet whe nechꞌaz ditnine bula kꞌehaoodiltsꞌut ꞌet whe neulhyis. ꞋInkꞌez ꞌaw whelhtsꞌuniljut whe Yakꞌusda baꞌ ꞌuztitꞌelh.

Ephesians 1:4

NeBá ndi yun ꞌuitilelh whutso ꞌutahanéanla Jesus Christ ooyúzdutiltsꞌilh huba. ꞋEt whe lubeshi ooghu hoolohne tsꞌooleꞌ si, ꞌinkꞌez ꞌaw nekꞌehootaltsꞌulh-un hooloh. Ndi be lhkꞌetsꞌusiꞌ-i, ꞌi be neBá oobut ꞌet tsꞌoozooꞌ ha.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Ephesians 4:24

ꞋEt ꞌandit hukwꞌunꞌa yun kꞌenaihdilh, ꞌet whuz unꞌa whulhchoot. Yakꞌusda be ꞌutꞌen kꞌoh ꞌuhoolya. Ndiz unꞌa Yakꞌusda ꞌuhóonla, tsꞌihꞌun ꞌuhoontꞌoh-un, ꞌinkꞌez khuni ꞌalhaꞌ ꞌuntꞌoh-i ꞌet whe lubeshi ooghu hooloh, ꞌet whuz unꞌa neba ꞌuhóonla.

1 Thessalonians 4:1

ꞋEt huwa neulhutsinke, ndi ꞌudekꞌez khuni be nohbulh yátsꞌulhduk-i, neghuni úlhchoot whe Yakꞌusda hótꞌeꞌ ha tóohdilh nohtsꞌútni inleꞌ. ꞋEt doo cha za whuz unꞌa za Jesus neMoodihti, ꞌen be khuni ulhtus-i be nohtsꞌutni, tube cho lhanꞌun te oohzooꞌ, ꞌinkꞌez whuz unꞌa oohtꞌeꞌ.

1 Thessalonians 4:7

Yakꞌusda ꞌaw ꞌutꞌen untsiꞌ-i ꞌuztilhꞌelh huba iloh uzdoojih ha nekaꞌ daniꞌ ꞌet huwa. ꞋEn ba lubeshi ooghu hoolohne ꞌuztileh ha nekaꞌ daniꞌ.

2 Thessalonians 2:13

ꞋEt hoontsꞌi neulhutsinke neMoodihti nohkꞌensiꞌ. ꞋEt ꞌudechoo whutsꞌun ꞌutáhanóhanla dutihjih ha. ꞋEt huwa Yakꞌusda ꞌahoolhyiz musi nohba tsꞌutni. Ndoni be Yakꞌusda ba ꞌudun nenóhninla ꞌinkꞌez ndi khuni ꞌalhaꞌ ꞌuntꞌoh-i, ꞌi nohba ꞌalhaꞌ ꞌuntꞌoh.

2 Timothy 1:9

ꞋEn ꞌuja neulhyih. Nedzi lubeshi ooghu hootáloh ꞌet whuz unꞌa nekaꞌ ninzun. ꞋAw neye ꞌutꞌen kꞌoh gha iloh nekaꞌ daniꞌ. Dichꞌoh ye unzoo-i, ꞌi gha ꞌuzdutijih ha nekaꞌ daniꞌ, ꞌet whuz unꞌa hukwaꞌ ninzun. ꞋInkꞌez ye unzoo-i, ꞌi Christ Jesus ꞌen ootsꞌu ha yíltsꞌut whe neghaltsꞌut. ꞋEt ꞌudechoo wheꞌ whudutátꞌelh, ꞌet whutsodaꞌ ꞌuhoonla.