Luke 1:68 - Yak'usda Ooghuni

⁶⁸ “Israelne buYakꞌusda ꞌinkꞌez buMoodihti, dalzooꞌ la! Ooduneꞌne, butsꞌunusiya ꞌinkꞌez nabonket.

Luke 1:68 Iomraidhean Croise

Genesis 14:20

Yakꞌusda ꞌukꞌenus diztiꞌ-un (El Elyon) ꞌen soo hoonzoo-un ꞌuntꞌoh, nchꞌaz ditnine nlakꞌebanla.” ꞋInkꞌez 1/10th yutꞌi tsꞌiyawh yugha ininla.

Genesis 24:27

ꞋInkꞌez ꞌutni, “Ooba ꞌustꞌen-un Abraham ooYakꞌusda (Elohim) ꞌinkꞌez ooMoodihti (Yahweh) cha ꞌen dotiꞌ. ꞋAw ndun ooba ꞌustꞌen-un ye yugha teꞌninzun ꞌinkꞌez ye tsꞌihꞌun ꞌuntꞌoh-i cha yula lhditnih. ꞋEt si ꞌowhuya usyalh Moodihti (Yahweh) ꞌen ndun ooba ꞌustꞌen-un oonatneke ꞌen whusunilhtan, ꞌet whuz oozusya.”

Genesis 9:26

ꞋInkꞌez ꞌutni, “Moodihti (Yahweh) soo hoonzoo-un unli. Shem ooYakꞌusda (Elohim) ꞌuntꞌoh. ꞋInkꞌez Canaan yunat neꞌutꞌen-un ooleꞌ.

Luke 1:71

ꞋEt whe nechꞌaz ditnine ꞌinkꞌez mbene netsꞌu dutnine, tsꞌiyawh bula kꞌéhaoodiltsꞌut, ꞌet whe neulhyis.

Luke 19:44

ꞋInkꞌez keyoh whuti-un lhkꞌunahuhootálhkulh. ꞋInkꞌez mbene whez tsꞌe dilhtsꞌine cha tsꞌiyawh bubulh ꞌuwhútanelh. ꞋAw ꞌilho tse lhkꞌudizꞌai-i nohba ꞌet nenálhodutasꞌal. Nohulhyis-un nohtsꞌó whusaiyan-un, ꞌaw tꞌelhonáhzil, ꞌet huwa.”

Luke 2:38

ꞋOh whuya hoozulh whe daninya ꞌinkꞌez Yakꞌusda dílhtiꞌ. Jerusalem dilhtsꞌine, nabootakulhne, ꞌenne hika ítisꞌen, ꞌen ghun Anna budániꞌ.

Luke 24:21

ꞋEn úncha Israel ootsꞌu hainzutne nabootakulh ꞌuzninzun daꞌ. Ntsꞌoh te neꞌwhustꞌen whutsꞌun ꞌandit ꞌawet whúlh tat dzin ꞌuhoontꞌoh.

Luke 7:16

Tsꞌiyanne hunílhjoot, ꞌinkꞌez Yakꞌusda hidílhtiꞌ whe njan nduhutni, “Netoh nus hooꞌen-un ncha-un whusainya.” ꞋInkꞌez nduhútni, “Yakꞌusda duduneꞌne buzih nususya.”

Ephesians 1:3

Yakꞌusda, Jesus Christ neMoodihti ooBá, ꞌen uzdílhtiꞌ. ꞋEn ꞌuntꞌoh Jesus Christ be yakꞌut whudiztiꞌ-un, ꞌet whunilhchoh Ndoni gha ndi negha ntꞌai.

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.

Hebrews 9:12

ꞋUsbai ꞌinkꞌez musdoosyaz bubuzkaiꞌ, ndi ꞌukꞌenus whudiztiꞌ tsꞌe ꞌaw whuz whelhúyikaih. Kꞌus dichꞌoh duduzkaiꞌ, ꞌi be ꞌukꞌenus whudiztiꞌ tsꞌe whuz whinya. ꞋIlhoh za ꞌinkꞌez ꞌilhiz wheni, whuz whinya. Ndúja whe ꞌilhiz wheni naneoket.

1 Peter 1:3

Yakꞌusda, Jesus Christ neMoodihti ooBá, ꞌen uzdílhtiꞌ. Hooncha whe negha teꞌnanzin whe nanehílhnaꞌ. ꞋEt huwa hoonzoo-un hukwa tse tsꞌúholeꞌ hubaꞌ hoontꞌoh. Jesus Christ ꞌen yaidlane butoh dunadija. ꞋEt huwa wheni cha ꞌilhiz tsꞌuhutinalh-un hukwa tse tsꞌúhooli.