Luke 1:6 - Yak'usda Ooghuni

⁶ ꞋEt nahultꞌoh Yakꞌusda nalh tsꞌihꞌun dune hinli. Yakꞌusda ooghuni buba yutulhúhizyeꞌ-i ꞌinkꞌez ndet butsꞌu hukwaꞌ ninzun hikꞌuneꞌ titꞌen ha, ꞌet tsꞌiyawh hukwꞌú neꞌhutꞌen. ꞋAw hoonli whe bukꞌeholtsꞌit ꞌaítꞌoh.

Luke 1:6 Iomraidhean Croise

Genesis 17:1

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

Genesis 6:9

Nowe tsꞌu haindene hukwꞌeguz ꞌet ꞌuhoontꞌoh. Nowe ꞌen tsꞌihꞌun dune unli, khuna daꞌ whe ꞌaw ookꞌeholtsꞌit hooloh. Nowe ꞌen Yakꞌusda (Elohim) bulh nuya inleꞌ.

Genesis 7:1

ꞋEt whe Moodihti (Yahweh) ꞌen Nowe ꞌuyulhni, “Nyuzkeh cha, nyunchꞌoh cha, mbene la nyoh whutꞌine tsꞌiyawh ndi tsꞌi cho behdilh, daintꞌoh la tsꞌihꞌun dune inli, ndi ꞌandit dune toh ndoh whuya hoozulh dune toh daintꞌoh la tsꞌihꞌun dune inli-un ꞌet whunusꞌen.

Luke 1:7

ꞋEt hoontsꞌi Elizabeth ꞌaw ooyaz holeꞌ ꞌaitꞌoh ꞌinkꞌez nahultꞌoh yoo ꞌun hizulh, ꞌet huwa cha ꞌaw bubukeh holeꞌ ꞌaitꞌoh.

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Luke 2:25

ꞋEt ꞌilhoghun dune Simeon tsꞌutni-un, Jerusalem whutꞌi-un. Tsꞌihꞌun unꞌa ꞌuntꞌoh ꞌinkꞌez ꞌahoolhyiz Yakꞌusda be ꞌutꞌen kꞌoh ꞌuwhulhꞌen-un. Israel ooduneꞌne kꞌenábuntaꞌoh-un, yuka tse hóoliꞌ. ꞋInkꞌez Ndoni cha yulh ꞌuntꞌoh.

Acts 2:25

ꞋEt ꞌudaꞌ David yughu yailhduk ínleꞌ whe ndutni, ‘ꞋAhoolhyiz neMoodihti szih nusꞌen. Nailhni tsꞌunkꞌus szih usyin dzoh noszut whuchꞌa.

Acts 23:1

Paul nahíyilhne bubut usyin Paul soo cho ꞌubunilhꞌen ꞌinkꞌez ubúlhni, “Sulhutsinkene neyo tsꞌe oogha tꞌetsꞌoninzun-i ꞌi gha Yakꞌusda but ꞌahoolhyiz wheni be khusna-i tsꞌihꞌun unꞌa ꞌustꞌoh.”

Acts 24:16

ꞋEt huwa si ꞌahoolhyiz Yakꞌusda tsꞌun ꞌinkꞌez dune cha tsꞌun neyo tsꞌe oogha tꞌetsꞌoninzun-i ꞌi gha tsꞌihꞌun unꞌa oostꞌeꞌ hukwa ꞌustꞌen.

Acts 8:21

Ndi neꞌutꞌen ꞌaw nelaꞌolhꞌen huba lheꞌíntꞌoh ꞌinkꞌez Yakꞌusda nalh ꞌaw ndzi tsꞌihꞌun lheꞌítꞌoh ꞌet huwa, ꞌaw netsꞌúlh dintni cha ꞌintꞌoh.

Romans 8:4

ꞋEt whe ndai la Moses be ꞌudustlꞌus netsꞌu húkwaꞌ ꞌutni-un, tsꞌiyawh neba lhaóodinla. Wheni ꞌutsꞌintꞌoh, ꞌaw neyustꞌe nintꞌi tsꞌe hukwꞌu nulheꞌtsꞌustꞌen, ꞌet kꞌus Ndoni ookꞌoh tsꞌe za hukwꞌu neꞌtsꞌustꞌen.

1 Corinthians 11:2

ꞋEt ꞌawet sulhutsinke njan ndudusni soo ꞌihtꞌen. Tsꞌiyantsuk whe snalhnih. ꞋEt whunohodusꞌeh-un tsꞌiyawh hoohtun.

2 Corinthians 1:12

ꞋEt neyo tsꞌe oogha tꞌetsꞌoninzun-i ndi whunénulhtun, ꞌi za tsꞌuhóontꞌiꞌ whe howu yatsꞌoolhduk. ꞋEt whe whunénilhtan ndi yun kꞌut uzdaltsꞌiꞌ. Yakꞌusda oobé ꞌalhaꞌ nudzun-i, ꞌinkꞌez ꞌaw nanki khuni be yalhtsꞌusduk, ꞌet whuz unꞌa za ꞌukꞌenus nohtoh ꞌuzdáltsꞌiꞌ. Ndi yun kꞌut whutꞌenne be whútnih-i, ꞌi be lheꞌtsꞌilel. Yakꞌusda ye unzoo-i, ꞌi gha ꞌutsꞌitꞌen. ꞋEt whuz unꞌa ne-eni toh whudizꞌai-i whunénilhtan.

Philippians 2:15

Nohkꞌehóotaltsꞌulh-un, ꞌet whuyit ꞌuhtꞌoh ꞌinkꞌez ootsun hoolohne oohleꞌ, ꞌet whuz unꞌa Yakꞌusda buzkeh tihleh ꞌet whe ꞌaw nohkꞌeꞌ holtsꞌit ꞌaitꞌoh. Ndunne tankꞌus ꞌúntꞌohne ꞌinkꞌez lubeshi ꞌukꞌenus ntsiꞌ-i ooleh hukwaꞌ ꞌutꞌenne, ꞌenne butoh ꞌulhdzis be hootꞌen-i kꞌunꞌa oohtꞌeꞌ.

Colossians 1:22

OoYeꞌ ndi yun kꞌeinya whe wheni nekꞌunꞌa ooyustꞌe whuzdliꞌ, ꞌinkꞌez ꞌi be neba dazsai. ꞋEt huwa ꞌaw ꞌon ꞌun nebulh lhúhiskoh. ꞋEt whe nohtsun hooloh tileh. Nohkꞌéholtsꞌit cha ꞌaitꞌoh. ꞋInkꞌez ꞌaw ꞌon ꞌun nohchꞌaz yaooduk ꞌaitꞌoh. ꞋEt whuz unꞌa duBá tsꞌun nohtilelh.

1 Thessalonians 3:13

ꞋEt whe neMoodihti Jesus Christ ꞌinkꞌez oochꞌeꞌ unline, ꞌenne tsꞌiyawh whusanahidil de, ꞌet de la neBá, Yakꞌusda, ꞌen nalh, ꞌaw nohdzi be ye nohkꞌehoꞌalh-i hootaloh, ꞌinkꞌez nohlubeshi cha hootaloh.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

1 John 2:29

ꞋEn tsꞌihꞌun unꞌa ꞌuntꞌoh tꞌeoonáhzun de, tꞌeoonahzun mbene la tsꞌihꞌun neꞌútꞌenne ꞌenne Yakꞌusda yé ulhtus-i be huwhuzdli wheꞌ hintꞌoh.

1 John 2:3

Khuni netlꞌa idanꞌai-i ookꞌuneꞌtsꞌutꞌen de, ꞌet whuz unꞌa tꞌetsꞌonínzun ꞌi gha Jesus Christ tꞌezninzun.

1 John 3:7

Tsꞌoodunneyaz ꞌuyoon nanohnooꞌah junih. Mbe la tsꞌihꞌun neꞌutꞌen-un, ꞌen tsꞌihꞌun ꞌuntꞌoh. Dantꞌoh la Jesus Christ tsꞌihꞌun ꞌuntꞌoh, whuz unꞌa nduntꞌoh whé ꞌuntꞌoh.