Luke 1:53 - Yak'usda Ooghuni

⁵³ Ooye últsilhne, unzoo-i be ubudilhbun. Hoonzooꞌ ꞌuntꞌohne, ꞌaw hoonliyaz bughá lhiꞌal whe whe nábalhꞌaꞌ.

Luke 1:53 Iomraidhean Croise

Matthew 5:6

Mbe la Yakꞌusda ye tsꞌihꞌun ꞌuntꞌoh-i yukaꞌ ninzunne, hukwaꞌhuninzun-un, ꞌet bugha óotaltsꞌulh. ꞋEnne ꞌukꞌenus hoonzoo-un bughá whultsꞌut.

Luke 1:54

Be ꞌustlenne Israelne, ꞌenne bugha teꞌninzun, ꞌet whunalnih whe bula ꞌuja.

Luke 6:21

Nohni ooyeꞌúltsꞌilhne, untihdai ꞌukꞌenus hoonzoo-un nohgha whultsꞌut. Mbene la ꞌandit utsone tihdloh ꞌet huwa dawhuldzooꞌ-un nohgha whultsꞌut.

Luke 6:24

“ꞋEt hoontsꞌi nohni hoonzooꞌ ꞌuntꞌohne soo cho howahli! Be hoonahtꞌiꞌ-i be ꞌudaꞌ tsꞌiyawh nohba ꞌukꞌelha whuzdliꞌ.

John 6:35

ꞋEt Jesus ubúlhni, “Si ꞌustꞌoh ndi lhes ndai la dune yugha khúna-i usdli. Mbe la sghu yaih-un, ꞌen ꞌaw ꞌilhiz wheni ooyeꞌóoltsꞌilh ꞌaítꞌoh, ꞌinkꞌez mbe la si ooba ꞌalhaꞌ ꞌustꞌoh-un, ꞌaw ꞌilhiz wheni taꞌódaꞌ ꞌaítꞌoh.

1 Corinthians 1:26

Sulhutsinke nohni ꞌoh daꞌ dutihjih ha nohkaꞌ daniꞌ inleꞌ, ꞌet dantꞌohne ꞌahli tꞌeoonuhzun. Yun kꞌut whutꞌenne whuz unꞌa ꞌuninzunne tsꞌiyawh, ꞌaw lhane iloh nohtoh duba whunihne unli, ꞌinkꞌez ꞌaw lhane iloh nohtoh dune be hoolhtus unline, ꞌinkꞌez ꞌaw lhane iloh nohtoh dune nchane unli.

1 Corinthians 4:8

ꞋAwet lhai ahtꞌi. ꞋUdaꞌ hoonzooꞌ ꞌahtꞌoh. Wheni neyit hoontsꞌi lerwene kꞌunꞌa ꞌahtꞌoh. ꞋEt ꞌalhaꞌ uncha ꞌet whuz unꞌa ꞌahtꞌoh. ꞋEt whe la wheni cha nohbulh lerwene tsꞌooleꞌ.