Luke 1:51 - Yak'usda Ooghuni

⁵¹ Dugan oonutꞌi be hoolhtus tuneꞌ ꞌutꞌen. Dudzi be ꞌududíltiꞌne, ꞌenne tsꞌiyawh yabanla.

Luke 1:51 Iomraidhean Croise

Genesis 11:8

ꞋEt whe Moodihti (Yahweh) lhchꞌa buninla, ꞌinkꞌez njan yun kꞌut ndulhcho nehunindil. ꞋEt whe dune whutꞌi whucho nehoninꞌai ꞌet ꞌetsul ꞌuhuja.

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Romans 1:21

Yakꞌusda tꞌehinínzun ꞌet hoontsꞌi ꞌaw lhehidílhtiꞌ ꞌinkꞌez ꞌaw musi lhuhidúsni. ꞋEt huwa ꞌantsꞌi iloh te nuni hunuzut ꞌinkꞌez tankꞌus ꞌuhuninzun, ꞌet huwa ꞌaw tsꞌihꞌun unꞌa kꞌus tankꞌus ꞌúhoontꞌoh-un tꞌehonúszun.

2 Corinthians 10:5

Lhtoh ꞌalhgoh howa yahalhduk-un, ꞌi cha tsꞌiyawh hooloh whé nilhtsi. Yakꞌusda ye whunih-i, ꞌi cha huyando ootꞌeꞌ hukwaꞌ hutꞌen, ꞌi cha tsꞌiyawh hooloh yutilhtselh. ꞋInkꞌez daja huninzun-un, ꞌet cha nahuhootálhchulh, ꞌet whe la Christ hikꞌoh tsꞌe nuni hunoozut.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”

Revelation 18:8

ꞋEt huwa dune ye dzoh nudeh-i, ꞌilhoh dzin za ꞌet ndi tsꞌiyawh oogha whútaltsꞌulh. Bé datsꞌutsah-i, tsꞌodi, ꞌinkꞌez dai cha. ꞋInkꞌez kwun be soo tsꞌiyawh dutakꞌun. NeMoodihti Yakꞌusda yuba nahuyeh-un, ꞌen ulhtus ꞌet huwa.”