Luke 1:49 - Yak'usda Ooghuni

⁴⁹ ꞋAlhaꞌ mbe hooncha whe tuneꞌ sulhꞌen-un, ꞌen be whúnujut-un ꞌuntꞌoh ꞌinkꞌez booziꞌ, ꞌi ꞌukꞌenus diztiꞌ.

Luke 1:49 Iomraidhean Croise

Genesis 17:1

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

Mark 5:13

ꞋInkꞌez ꞌahoh Jesus butlꞌa hónꞌai ntsiꞌ-i nudúdeh-i dune yutsꞌa ha nádide ꞌinkꞌez gugoos ꞌi yudande. Gugoos ꞌankwꞌus 2,000 ꞌuntꞌoh, ꞌi tsꞌiyawh whenghólghaz ꞌinkꞌez too yanghan.

Luke 1:48

ꞋAlhaꞌ ndun be ꞌulhna-un, ntsꞌenꞌa yo ꞌududildzun-un tꞌewhuninzun. Whunulhꞌen, ꞌandit whutsꞌun, nus de, ꞌilhiz wheni ndi yun kꞌut tsꞌiyanne ꞌukꞌenus hoonzoo-un bulh ꞌúhooja sodutánelh.

Luke 1:50

ꞋInkꞌez ye teꞌninzun ꞌi mbene la ye nuljutne bukꞌidoꞌa, nus de yinka dunene.

Ephesians 3:20

ꞋEt neBá ndet la ootsꞌo hukwaꞌ tsꞌutni-un ꞌinkꞌez howu nuni uznuzut-un cha, ꞌet ꞌon nus ꞌultsuk-i negha tilelh whe ꞌuntꞌoh. Ndoni ye ulhtus-i neyoh ꞌuntꞌoh, ꞌet ꞌi beꞌ whutꞌen.

Revelation 15:4

O neMoodihti mbe nye lhúntilhjut ꞌinkꞌez nyooziꞌ lhedutálhtiꞌ? ꞌalhaꞌ ꞌi be nyunchꞌoh za lubeshi ooghu hooloh-un inli. ꞋUdun keyoh whutꞌenne tsꞌiyawh whusahátidulh ꞌinkꞌez mbut ntsꞌun teniꞌ huntilhdzun. Dune ba nahinyeh-un ꞌawet hooltsai ꞌet huwa.”

Revelation 4:8

ꞋI nyoo dunghi ꞌusjiz-i, ꞌilho whe lhkꞌuta ye nutꞌo-i ooghu yuzdla. ꞋInkꞌez ndulcho whe ꞌuna za unli ooyo tsꞌe cha. ꞋAw ꞌulhdzis ꞌinkꞌez dzenis ibulh nalhuhulhyiz whe njan duhútni, “Lubeshi ooghu hooloh-un, lubeshi ooghu hooloh-un, lubeshi ooghu hooloh-un, Yakꞌusda neMoodihti, ꞌen tsꞌiyaitsuk anus ulhtus-un ꞌuntꞌoh. Mbe ꞌantꞌeꞌ-un, ꞌinkꞌez ꞌuntꞌoh-un, ꞌinkꞌez whusatiyalh-un,” hutni.