Luke 1:35 - Yak'usda Ooghuni

³⁵ ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 1:35 Iomraidhean Croise

Matthew 1:18

ꞋEt Jesus Christ whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja.

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Mark 1:1

Ndi khuni unzoo-i, khuni ꞌudechoo-i Jesus Christ, Yakꞌusda ooYeꞌ ghun.

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Luke 1:27

ꞋIlhoghun tsꞌeke ꞌaw dune tꞌenuszun-un, ꞌen tsꞌun whelꞌaꞌ. ꞋIlhoghun dune, Joseph huyúlhni, David tsꞌu haindene, ꞌilhoghun ꞌuntꞌoh. Yughu tidalh-un yutsꞌu lhaoodinla. Ndun ꞌaw dune tꞌenuszun-un ꞌuntꞌoh, Mary huyúlhni.

Luke 1:34

ꞋEt Mary lizas ꞌulhni, “Ntsꞌenꞌa ꞌuwhutanelh, ꞌaw dune tꞌenuzuszun whe ꞌustꞌoh.”

Luke 1:36

ꞋAndit nyunat-un Elizabeth yoo ꞌun uzulh-un, ꞌen cha duneyaz oochainya. ꞋAw buzkeh holeꞌ ꞌaitꞌoh huyulhni, ꞌet hoontsꞌi ꞌawet whulh lhkꞌuta sanun be suliꞌ.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

Acts 8:36

Higooh whe too hoonli-un hugho ningoo. ꞋEt nyoon moodih ꞌutni, “Njan too hooni. Dáhoontꞌoh huwa ꞌaw too beꞌ ꞌóoznih ꞌaítꞌoh?”

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

Galatians 2:20

Christ tulalhgus kꞌut bulh dasusai le ꞌustꞌoh, ꞌet ꞌaw ꞌon ꞌun lhuhúsnoh le ꞌustꞌoh, ꞌet hoontsꞌi Christ syudinda. ꞋInkꞌez ye khuna-i, ꞌi be khusna. Yakꞌusda ooYeꞌ sba ꞌalhaꞌ ꞌuntꞌoh-un, ꞌet ꞌi gha yun kꞌut khusna. ꞋEn ꞌuja skꞌensiꞌ kꞌet sba whutlꞌaꞌ dudilti.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.

Hebrews 4:15

Nelubret ꞌukꞌenus diztiꞌ-un, ꞌen be tetsꞌutsun-i, ꞌi bulh ꞌalhgoh negha teꞌninzun datsꞌintꞌoh la tꞌeooninzun. ꞋEn lubeshi yit ꞌuntꞌoh ꞌet hoontsꞌi ꞌen cha wheni nekꞌunꞌa tsꞌiyantsuk tankꞌus óoneh ha óoldzih inleꞌ.