Luke 1:32 - Yak'usda Ooghuni

³² ꞋEn ncha-un tileh. ꞋEn ꞌuhidutanelh soo ꞌudedo-un ooYeꞌ tileh. ꞋInkꞌez Yakꞌusda neMoodihti David ootsodaꞌ-un, yukꞌedinda-i ꞌindaꞌ-un, ꞌet yutlꞌa óotiꞌalh.

Luke 1:32 Iomraidhean Croise

Matthew 1:1

Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 12:42

ꞋOh whuya hoozulh dzin dune ba nahutideh de, ꞌet whe nyaz de whulerwe tsꞌeke ꞌen nohtoh dudutáyalh ꞌinkꞌez nohkꞌehóotaltsꞌulh. Ndi yun kꞌut nilhdzaz de hainya Solomon ye whunih-i yudutátsꞌo ha ꞌet huwa. ꞋAlha ꞌilhoghun Solomon anus whunih-un ꞌandit nohtoh usyin.”

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Mark 14:61

ꞋEt hoontsꞌi Jesus tꞌedusni ꞌinkꞌez ꞌaw yalhtílhdih. ꞋEt doo cha za lubret yoodulhkut, “Nyun eh Christ ꞌintꞌoh? Yakꞌusda díztiꞌ-un ooYeꞌ inli?”

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

Luke 1:35

ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

Luke 3:16

John tsꞌiyawh ꞌet ubúlhni, “Too za-i be too béꞌ nohusꞌen. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookechun natlꞌoolh ooba kꞌunatisꞌuk ꞌet hoontsꞌi huba soo lheꞌuzdzooꞌ. Ndun ꞌen Ndoni ꞌinkꞌez kwun bulh be too beꞌ nohtilhꞌelh.

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

John 12:34

ꞋEt ꞌilhunaoosdílne ꞌuhuyulhni, “Moses ꞌukꞌunéyuzguz inleꞌ-i, ꞌi gha whulh ꞌúzditsꞌo ndun Christ ꞌen ꞌilhiz hutinalh. ꞋInkꞌez dálhtiꞌ ꞌudini ꞌet Yinka Dune Yeꞌ, ꞌen whe beꞌ dutáltsiꞌ dini? Mbe whe ꞌuntꞌoh ndun Yinka Dune Yeꞌ?” hutni.

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

Acts 16:17

ꞋEt ꞌutꞌen Paul ꞌinkꞌez wheni te neununúya ꞌinkꞌez ꞌaldzul whe ꞌutni, “Ndunne dune ꞌukꞌenus ndo Yakꞌusda ooduneꞌ hinli. Ntsꞌenꞌa la dutihjih ꞌoh te nohba nuhúhuyeꞌ!”

Acts 2:30

ꞋEn Yakꞌusda be nus hóoꞌen-un ꞌuntꞌoh ꞌinkꞌez Yakꞌusda ye yútsꞌu nahizya tꞌeinínzun. ꞋInkꞌez Yakꞌusda yuba néwhuninꞌai whe yúlhni, ‘David ootsꞌu haínzut-un, ꞌen ꞌilhudzin David kꞌunꞌa ookwꞌutsꞌuzda cho diztiꞌ-i kꞌutidalh,’ ꞌen Christ ꞌuntꞌoh.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

Acts 7:48

ꞋEt hoontsꞌi ꞌukꞌenus Yakꞌusda diztiꞌ-un ꞌaw dune yoh ꞌuhóonla-un lhídoh. ꞋEt Yakꞌusda be nus hóoꞌen inleꞌ-un ꞌet ndutni,

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

Revelation 3:7

“ꞋEt keyoh Philadelphia dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Ndun lubeshi ooghu hooloh-un, tsꞌihꞌun ꞌuntꞌoh-un cha, ꞌinkꞌez lerwe David oolugli naꞌa-un. Ndun dáhaꞌ daꞌaih-un, ꞌaw dune danaꞌ doꞌalh ꞌaitꞌoh. ꞋInkꞌez dánaꞌ diꞌaih-un ꞌaw dune daha naꞌdooꞌalh ꞌaitꞌoh. ꞋEn ꞌutni: