Luke 1:17 - Yak'usda Ooghuni

¹⁷ Nus hooꞌen-un Elijah huyulhni, whuz unꞌa Ndoni ye ulhtus-i be neMoodihti yutso tiyalh. Lhane tsꞌoodunne bubáke budzi butsꞌun tizooꞌ nabutilhtselh. Mbene la ꞌukꞌu nulheꞌustꞌenne, lhane tsꞌihꞌun ꞌuntꞌohne ye whunih-i hitálhchulh. ꞋInkꞌez dune, ꞌenne lhane neMoodihti butsꞌu tiyalh-un, ꞌet wheni lhábudutileh,” lizas ꞌuyulhni.

Luke 1:17 Iomraidhean Croise

Matthew 11:14

ꞋInkꞌez nohba ꞌalha whutatꞌelh de, ndun nus hooꞌen-un Elijah whusatiyalh-un, John ꞌen ꞌuntꞌoh, whe ꞌuntꞌoh.

Matthew 14:4

John Herod yúlhni, “ꞋAw nyun mba tsꞌihꞌun unꞌa lheꞌhootꞌoh whe ꞌuyoon ooꞌat oozih sinda.”

Matthew 3:3

Nus hooꞌen-un Isaiah ꞌen yughu yalhduk whe njan ndutni, “Dune lhuhootꞌih tsꞌe dune yiz dustsꞌai whe ꞌultus-un huyih whe njan ndutni, ‘NeMoodihti ooti lhaoodahleh! Ooti lhtsꞌe oodizꞌa ooba whulhtsi.’”

Matthew 3:4

ꞋInkꞌez John dichꞌoh khuna-i gha, camel huyulhni, ꞌi ye dune unli ꞌinkꞌez ꞌuzus se be tsꞌudilhꞌoo. Tulkꞌus cho ꞌinkꞌez tsꞌihnatlꞌuz ꞌohwhi yaꞌalh.

Luke 1:16

ꞋInkꞌez Israel ootsꞌu hainzutne, lhane neMoodihti buYakꞌusda tsꞌu butilelh.

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

John 1:13

ꞋAw ha hánde whula toh tsꞌe iloh Yakꞌusda buzkeh huzdliꞌ, kꞌus buyustꞌe hukwaꞌ nínzun huwa iloh, kꞌus dichꞌoh dune hukwaꞌ huninzun huwa cha iloh, Yakꞌusda ꞌen gha za huwhuzdli.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 3:28

Nohnichꞌoh hoontsꞌi la daja dusni-un la tꞌéoonáhzun, si ꞌaw Christ ꞌen iloh ꞌustꞌoh. ꞋEt hoontsꞌi ꞌilhoghun yutso whusálꞌaꞌ-un, ꞌen ꞌustꞌoh.

Acts 10:33

ꞋEt huwa ꞌaho nka whenáhoosꞌaꞌ, ꞌinkꞌez soo ꞌínja netsꞌu whúsainya. ꞋInkꞌez njan ꞌawet tsꞌiyawh Yakꞌusda bulh ꞌútsꞌintꞌoh mba tsꞌilhꞌi dája neMoodihti huwá nyulhꞌa-un huwun nebulh yátalhduk.”

Romans 9:23

ꞋInkꞌez whutsodaꞌ ꞌutahanéanla negha teꞌuntazilh ha. ꞋEt whuz unꞌa wheni cha uzdutátiꞌ. Wheni negha tsꞌiyanne tꞌehontázin Yakꞌusda yé diztiꞌ-i dáldzooꞌ whe ꞌuntꞌoh.

Colossians 1:12

ꞋInkꞌez neBá musi dahni. Yakꞌusda oochꞌeꞌne be hóotꞌen-i toh nudilhyanne, ꞌen yutꞌi-i bugha ítalelh-i, ꞌi ooloh negha tikulh, ꞌet wheni sooꞌ tsꞌuldzooꞌ nesulhtsi.

2 Timothy 2:21

ꞋEt huwa mbe dichꞌoh lubeshi ꞌuchꞌaz nálhꞌa de, ꞌet de duMoodihti ba ꞌuduneꞌududulti ꞌinkꞌez ooMoodihti yeꞌ titꞌelh, ꞌutꞌen unzoo-i tsꞌiyawh yeni lhadíntꞌoh whe ꞌuntꞌoh.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.

Revelation 20:4

ꞋEt kwꞌutsꞌuzda cho diztiꞌ-i lhai tísꞌen. ꞋInkꞌez yukꞌudilhtsꞌine, ꞌenne dune ba nahutiyeh-un, ꞌet bughá whuntꞌai. ꞋEt ndunne Jesus ooghuni ghu yalhdukne, ꞌinkꞌez Yakꞌusda ooghuni cha, ꞌet huwa ꞌenne ꞌoh daꞌ butsi kꞌunónutselh. ꞋInkꞌez mbene nyoo khuna-iti ntsiꞌ-i kꞌus ookꞌeyíltsi-i tsꞌun tenelheꞌnílhdzilne, ꞌinkꞌez mbene oonutsi be buninta kꞌus bula kꞌut bukꞌulheꞌíguzne, ꞌenne tsꞌiyawh buzul nusꞌen. ꞋEnne nahukhítnaꞌ ꞌinkꞌez 1,000 yus kꞌut ndúwhulyiz whe Christ ꞌen bulh moodih hinli.