Luke 1:13 - Yak'usda Ooghuni

¹³ ꞋEt lizas ꞌuyulhni, “Zacharias wheniljut iloh. Yakꞌusda ntenadudli yudántsꞌo. Nꞌat Elizabeth ooyaz duneyaz tileh, ꞌinkꞌez booziꞌ John be ootanzilh.

Luke 1:13 Iomraidhean Croise

Genesis 17:10

Ndi ꞌi khuni ntsꞌun lhadasla-i, ꞌi ootahtun, nyun ꞌinkꞌez si bulh ꞌinkꞌez ntsꞌu haindene nkꞌelhꞌazne. Dune tsꞌoodunne whuzdline nohtoh ꞌenne tsꞌiyawh hika dune unli-un hubuhootatꞌus.

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 18:14

ꞋAw hoonli hoontsꞌi eh Moodihti (Yahweh) ꞌaw ooba hoolhtus eh? Ndet la ꞌet newhudizut-un ꞌet la nohghu naoosjaꞌ ꞌinkꞌez Sarah dune ooyaz tileh.”

Genesis 25:21

ꞋEt Isaac ꞌen Moodihti (Yahweh) yutsꞌu tedudlih duꞌat ba, ꞌaw buzkeh holeꞌ ꞌaitꞌoh. ꞋEt Moodihti (Yahweh) ꞌet yugha ooninꞌai ꞌinkꞌez Rebekah ulchan.

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Matthew 14:27

ꞋAho Jesus butsꞌu yatilhduk, “Nohdzi hóte! Si ꞌustꞌen! Whenulhjut íloh!”

Matthew 28:5

Lizas tsꞌekoo ubúlhni, “Nulhjut íloh. Tꞌeoonuszun Jesus tulalhgus kꞌut dazai-un, ꞌen ookwunáhta whé ꞌahtꞌen.

Mark 16:6

ꞋEt ubúlhni, “Nulhjut iloh! Tꞌeoonúszun Jesus Nazareth whutꞌen-un, tulalhgus kꞌehíyilhti-un ookunáhta whe ꞌahtꞌen. Hooloh! Dunadija whe ꞌuntꞌoh! Njan whunulhꞌen ilhtéꞌ-un.

Luke 1:14

ꞋEn gha tube hootántꞌeꞌ ꞌinkꞌez whuntálhni. ꞋInkꞌez whuzdli de, ꞌuyoonne lhane cha huwhuntálhni.

Luke 1:30

ꞋInkꞌez lizas uyúlhni, “Mary niljut iloh! Yakꞌusda nyulh hoontꞌiꞌ.

Luke 2:21

Whulh lhkꞌu dit dzin lhaóoduja whe tsꞌoodun yuka dune unli-i kꞌut hititꞌus, ꞌinkꞌez huyooziꞌ be huyootázilh, Jesus huyulhni. ꞋAwhuz ꞌucha dinda whe ndi booziꞌ lizas yugha ídinꞌai.

Acts 10:31

sbut usyin ꞌinkꞌez ꞌusúlhni, ‘Cornelius, Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda yunalni.