Luke 1:1 - Yak'usda Ooghuni

¹ Lhane ꞌudaꞌ hoolhtus whe hitꞌen be nawhutnuk-i tsꞌihꞌun unꞌa ookwaꞌ ditniꞌ-i, ꞌukꞌehuyanguz. ꞋI tsꞌiyawh netoh neba ꞌalhaꞌ ꞌuntꞌoh.

Luke 1:1 Iomraidhean Croise

Mark 16:20

Yugha hodulꞌehne ndulcho nahúdilh, ꞌinkꞌez dune bulh yáhalhduk. NeMoodihti bubulh ꞌútꞌen ꞌinkꞌez be úlhtus-i butlꞌa dánꞌai, ꞌet huwa ooghuni be yahulhduk-un, ꞌalhaꞌ hutni wheꞌ hutni. ꞋEt ndo honeh.

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

Romans 14:5

Whulohne dune ꞌuhuninzun whuloh dzin-un ꞌon nus whudíztiꞌ, ꞌet whulohne ꞌuhuninzun dzin totsuk buba lhghazáꞌ ꞌuhoontꞌoh. ꞋEt tsꞌiyanne dája huninzun-un, ꞌet buba ꞌalhaꞌ hotꞌeꞌ la.

Romans 4:21

Yakꞌusda ndet yutsꞌú hoozi-un ꞌet ye úlhtus-i be ndutínelh tꞌeoonínzun. ꞋAw nawh lheꞌhóotꞌoh whe ooba ꞌalha ꞌuhoontꞌoh.

Colossians 2:2

ꞋEt budzi do naꞌootneh ꞌinkꞌez be lhkꞌetsꞌusiꞌ-i be ꞌilho nahoodleꞌ. ꞋEt whuz unꞌa ndi Yakꞌusda be wheꞌ hoontꞌoh hooyoh-un, daltsuk ꞌuzooꞌ-i, ꞌi beꞌ hoontꞌoh, ꞌi tsꞌiyawh soo tsꞌihꞌun unꞌa tꞌewhuntiszeh. NeBá ꞌinkꞌez Christ cha, ꞌenne bughun ꞌuhoontꞌoh.

Colossians 4:12

Epaphras ꞌen cha nohbulh ꞌilhoghun ꞌuntꞌoh, ꞌinkꞌez hadih nohúlhni. Christ ooba ꞌulhna ꞌuntꞌoh. Soo kꞌus hooncha whe nohba tenadudli. ꞋEt whe Yakꞌusda nohtsꞌun hukwaꞌ ninzun-un, tsꞌihꞌun unꞌa ꞌen ba nudútalhyalh ꞌinkꞌez lhadúlyane cha tihleh.

1 Thessalonians 1:5

ꞋEt neghuni unzoo-i, ꞌaw khuni za iloh unli whe nohtlꞌa díltsꞌut. ꞋEt hoontsꞌi be hoolhtus-i be ꞌinkꞌez Ndoni gha cha, ꞌet nohtlꞌa díltsꞌut. ꞋEt ntsꞌenꞌa nohtlꞌa díltsꞌut ꞌet whe la tꞌeoonuhzun ndi khuni ꞌi tsꞌihꞌun unꞌa ꞌuntꞌoh. ꞋEt huwa ꞌoh daꞌ nohtoh uzdilhtsꞌi whe nohni nohba dantꞌohne dune tsinli, ꞌet tsꞌiyawh tꞌeoonáhzun.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

2 Timothy 4:17

ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.

Hebrews 10:22

ꞋEt huwa wheni cha soo cho neba ꞌalha ꞌootꞌeꞌ ꞌinkꞌez nedzi tsꞌihꞌun ꞌuntꞌoh whe ootsꞌúztooyaꞌ. ꞋInkꞌez duzkaiꞌ be ꞌudaꞌ nedzi tunayuzguz. ꞋI be ndet neyo tsꞌe oogha tꞌetsꞌoninzun-i whudutsun-un neba whunaꞌalhde. ꞋInkꞌez neyustꞌe too unzoo-i be tunásguz leꞌ tsꞌootꞌeꞌ.

Hebrews 6:11

ꞋIlhone ꞌahli whe ꞌet whula toh whutsꞌun, nohdzi ndulcho-i be ꞌet ndóhtꞌen, ꞌet nohba hukwaꞌ ꞌuzninzun. ꞋEt whuz unꞌa ndet la hukwa tse hoohli-un, ꞌet nawh lheꞌhootꞌoh nohtsꞌun whutikulh.