John 9:3 - Yak'usda Ooghuni

³ ꞋEt Jesus ꞌubulhni, “ꞋAw didutchꞌoh oolubeshi gha, kꞌus oodusne bulubeshi gha iloh hoos̱ꞌen suliꞌ. Yakꞌusda be ꞌutꞌen kꞌoh ooghá tꞌewhunoodzeh ꞌinka ꞌuja hoos̱ꞌen whe whuzdli.

John 9:3 Iomraidhean Croise

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

John 11:4

ꞋEt Jesus whulh ꞌúdantsꞌo whe ꞌutni, “ꞋAw ndi dada ꞌilhiz yukꞌedóotsa ꞌaítꞌoh. Njan undudá-un, ꞌet whe la Yakꞌusda ooba whudóltiꞌ, ꞌinkꞌez ꞌet whe Yakꞌusda ooYeꞌ ꞌen cha ba whudutáltiꞌ.”

John 11:40

ꞋEt Jesus ꞌuyulhni, “ꞋAw lakw lhunyudúsnel inleꞌ, si sghun mba ꞌalha ꞌuhoontꞌoh de, ꞌet de Yakꞌusda yé diztiꞌ-i tanꞌelh?”

Acts 28:4

ꞋEt whutꞌenne nyoo tlꞌughus Paul yula yé dintꞌi hinilhꞌen ꞌet ꞌulhodútni, “Ndun dune ughan-un la ꞌuntꞌoh. Wheni neyakꞌusda, ꞌen booziꞌ, ꞌi ꞌahoolhyiz ꞌukꞌelháhoolhꞌi-un tsꞌútni, ꞌen hutinalh-un yughá hoꞌalh ꞌaítꞌoh, yatoo kꞌut dujih hóontsꞌi.”

Acts 4:21

Nahíyilhne ꞌo ꞌun cha bube hoonolhjoot, “Jesus ghu yahoolhduk junih!” ꞌubuhútni, ꞌinkꞌez bula nahuditni. ꞋAw huwa dzoh nubuhoolhdzut-un hooloh, dune tsꞌiyanne Yakꞌusda ba hodílhtiꞌ njan dáhooja ꞌet huwa.

1 John 4:16

Yakꞌusda ye nékꞌensiꞌ-i tꞌeznanzin ꞌinkꞌez neba ꞌalha ꞌuhoontꞌoh. Yakꞌusda nekꞌensiꞌ-un ꞌuntꞌoh. Mbe bé lhkꞌetsꞌusiꞌ-i bulh ꞌúntꞌoh-un, ꞌen Yakꞌusda bulh ꞌuntꞌoh ꞌinkꞌez Yakꞌusda yuyudínda whe ꞌuntꞌoh.

1 John 4:9

ꞋAw ꞌílhoghun duYeꞌ ꞌen ndi yun kꞌuz yútilhꞌaꞌ. ꞋEn be ꞌilhiz wheni tsꞌukhoonaꞌ ha. ꞋEt whuz unꞌa Yakꞌusda ye nékꞌensiꞌ-i yunénilhtan.