John 8:2 - Yak'usda Ooghuni

² ꞋEt ꞌom bun dzin soo ꞌudaꞌ ꞌet Jesus lugliz whucho tsꞌe oozya. Tsꞌiyanne dunene highu nindil. ꞋEt nátlꞌa didaꞌ ꞌinkꞌez whewhubuhóndunilhꞌeꞌ.

John 8:2 Iomraidhean Croise

Matthew 26:55

ꞋEt ꞌawet ꞌoh whuya ꞌuhunitꞌoh whe Jesus ꞌilhunaoosdilne ndúbulhni, “ꞋEt di ha saluzti ꞌinkꞌez tutꞌoh cha nuhle ꞌinkꞌez ꞌundunustꞌih kꞌunꞌa ska tíhdil? Dzin totsuk lugliz whucho nohtoh susda ꞌinkꞌez whunohodusꞌeh. ꞋInkꞌez ꞌaw sulhúlhchulh.

Luke 21:37

ꞋAwet dzin totsuk Jesus lugliz whucho dune hodulhꞌeh. ꞋInkꞌez hulhgha totsuk ndo shusyaz, Olive ꞌi huyulhni, whuz wheyaih, titelh ha.

Luke 21:38

ꞋEt tsꞌiyanne ꞌudaꞌ cho lugliz whucho dahúdulh huyootuzalhtsꞌilh ha.

Luke 4:20

ꞋEt ꞌudustlꞌus nainílhghal ꞌinkꞌez ꞌutꞌen-un yutlꞌa nayánꞌai ꞌinkꞌez natlꞌa didaꞌ. ꞋInkꞌez Lizwif lugliz dilhtsꞌine, tsꞌiyawh hinilhꞌen.

Luke 5:3

ꞋInkꞌez ꞌilhoghi tsꞌi bénya. ꞋI Simon ootsꞌi ꞌuntꞌoh. ꞋInkꞌez ꞌuyulhni, “Nusyaz le ꞌinleh.” ꞋInkꞌez ꞌet tsꞌi bet natlꞌa didaꞌ ꞌinkꞌez dunene whubodulhꞌeh.

John 4:34

ꞋEt Jesus ubúlhni, “Mbe la whuz de sutilhꞌaꞌ-un, ndet stsꞌu húkwaꞌ ninzun, ꞌoh te neꞌóostꞌen ꞌinkꞌez be ꞌutꞌen lhadóosdleh huba ꞌuhoontꞌoh. Ndi ꞌi za sꞌalh-i ꞌuntꞌoh.

John 8:20

Jesus ndi khuni ꞌi be yailhduk lugliz whucho ꞌet dune hodulꞌeh daꞌ. Ntsꞌe la sooniya nahulhdzóoh-un, ꞌet dune hodulꞌeh. ꞋEt ꞌawhuz ooba whudizulh-un whutsꞌun hoozulh ꞌet huwa ꞌaw lhuhuyílhchulh.

John 8:3

ꞋEt whubodulhꞌeh whe Moses be ꞌudustlꞌus ꞌukꞌu nunáguzne ꞌinkꞌez Phariseene te, tsꞌeke dune bulh lubeshi ꞌuleh whe nahuyulhtus, ꞌen soo buniz ꞌet néhinilhti.

Acts 5:21

ꞋEt whelꞌaꞌne hikꞌoh tsꞌe ꞌuja. Soo yulhkai ꞌet Lizwif bulugliz whucho dahánindil ꞌinkꞌez ꞌawet dune whuba hodulhꞌeh. ꞋEt Lizwif lubret ꞌukꞌenus diztiꞌ-un ꞌinkꞌez yutsꞌú ditnine, ꞌenne Lizwif butso whúdilhdzulhne ꞌinkꞌez nahíyilhne cha bughú nahúzya yahatilhduk-un huwun. ꞋEt ꞌinkꞌez whelꞌaꞌne ꞌahudinla tsꞌe duduneꞌne bukuwhenábuhalhꞌaꞌ bubut nébotalelh ha.