John 7:4 - Yak'usda Ooghuni

⁴ Mbe la tsꞌiyanne tꞌeinózin hukwaꞌ ninzun-un ꞌaw whuꞌiz neꞌootꞌen ꞌaítꞌoh. ꞋAlha ꞌuhooncha túneꞌ ꞌintꞌen de, ndi yun kꞌut dunene tsꞌiyanne nyun nghun tꞌehonózin huba ꞌuhoontꞌoh!”

John 7:4 Iomraidhean Croise

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 4:6

ꞋInkꞌez ꞌuyulhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! ꞋUkꞌehooguz whe njan ndutni, ‘Yakꞌusda oolizas butlꞌa honꞌai whe ꞌenne nghi hinli, ꞌinkꞌez dula be ndo nyuhóotatun, ꞌaw nke tse tꞌaoonalh ꞌaitꞌoh ꞌet whucha.’”

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Luke 6:45

Dune unzoo-un unzoo-i dudzi yo hoonli-i, ꞌi gha khuni unzoo-i be yalhduk. ꞋInkꞌez dune unsiꞌ-un untsiꞌ-i oodzi yo hoonli-i, ꞌi be khuni untsiꞌ-i be yalhduk. Dune di la oodzi yo be whudizbun, ꞌi be yaoolhduk.”

John 18:20

ꞋEt Jesus uyúlhni, “Soo tsꞌet gaih ꞌet ndi yun kꞌut whuduneꞌne bubulh yásduk. ꞋAhoolhyiz wheni lugliz ꞌinkꞌez lugliz whucho ntsꞌe la Lizwifne ꞌilhúnahodulh-un, ꞌet dune hodusꞌeh. ꞋAw ꞌilhoh whuꞌiz khuni be yalhúsdih.

John 7:3

ꞋEt bulhutsinke khuni beꞌ huyulhni, “Njan huwinyalh ꞌinkꞌez Judea yun kꞌut tsꞌe inyalh, ꞌet de la ngha hodulꞌehne ndai ꞌutꞌen oogha ína-un honoolhꞌen.

John 7:5

Bulhutsinke ꞌenne hoontsꞌi ꞌaw ndun Christ ꞌen ꞌuntꞌoh ꞌaw buba ꞌalhaꞌ lheꞌhóotꞌoh, ꞌinka ꞌoh te néꞌhiduniꞌ.