John 7:1 - Yak'usda Ooghuni

¹ Njan hukwꞌelhꞌaz Jesus Galilee yun kꞌut za nusúya. Lizwifne hituzilhghelh hukwaꞌ huninzun ꞌet whuchꞌa ꞌaw Judea yun kꞌut nóyaꞌ hukwa lheꞌnízun.

John 7:1 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 21:38

ꞋEt hoontsꞌi bughu whulhꞌaine hitilhꞌen whe ꞌulhodutni, ‘Ndun ha níyeh kꞌet oochꞌeꞌ-un, ooyeꞌ ꞌútꞌen. Tsꞌuzoolhghelh! ꞋEt de la ootsꞌó tiltsꞌulh-un ndúwhulcho la tsꞌohólhchoot!’

Mark 11:18

ꞋEt lubret moodihne ꞌinkꞌez Moses be ꞌudustlꞌus ꞌukꞌu nunáguzne hodántsꞌo whe hizoolhghelh-un hukó nuta tube huyé nilhjoot tsꞌiyanne ꞌilhozdílne hubodulhꞌeh buba hooncha ꞌet huwa.

John 1:19

ꞋEt Lizwif Jerusalem whutꞌenne, lubretne ꞌinkꞌez Levitne John tsꞌun whe bahalhꞌaꞌ huyoodolhkut mbe unli-un ꞌet hukwa. ꞋEt John ubúlhni,

John 4:3

ꞋEt neMoodihti ꞌawet Judea yun kꞌut whuchꞌa nasja ꞌinkꞌez Galilee tsꞌe natisja.

John 4:54

ꞋEt Judea yun kꞌut tsꞌu haínya ꞌinkꞌez Galilee tsꞌe oozya whe whulh nat Jesus hooncha tuneꞌ ꞌustꞌen.

John 6:1

ꞋEt hukwꞌelhꞌaz Galilee bun kꞌut ꞌet Jesus nyan wheinki, ꞌi bunghun za Tiberias bun kꞌut huyúlhni.

John 7:11

ꞋEt nyo dzenis whuti whutoh ꞌet Lizwifne hika itísꞌen ꞌinkꞌez ꞌuhutni, “Ntsꞌe ꞌutꞌen whe ꞌuntꞌoh?” hutni.

John 7:13

ꞋEt hóontsꞌi ꞌaw ꞌilhoghun hoontsꞌi tsꞌet highu yalhulhduk, ndunne Lizwif moodihne bubé hunuljut ꞌet huwa.

John 7:19

Moses ꞌen ndi khuni ootulhúhisdeꞌ-i, ꞌi nohtlꞌa idanꞌai, ꞌet hoontsꞌi ꞌaw ookꞌú nulheꞌzuhtꞌen, ꞌinkꞌez di ha sutuzilhghelh hukwaꞌ tahꞌen?” ubúlhni.

John 7:25

Whulohne Jerusalem whutꞌenne ꞌuhutni, “Ndun ꞌen lakw ꞌuntꞌoh hituzilhghelh wheni hikunuta?

John 7:35

ꞋEt Lizwifne dichꞌoh ꞌulhodutni, “Ntsꞌe atꞌen tiyalh whe ꞌutni? ꞋAw natsꞌólhtelh ꞌaítꞌoh neúlhni. ꞋUdun yun kꞌut whutꞌenne, ꞌenne butuz toleh tiyalh whuz Lizwifne whulohne yahandil inleꞌ, ꞌinkꞌez whuz toleh ꞌudun yun kꞌut whutꞌenne hubodutilhꞌeh?

John 8:37

Tꞌewhunúszun Abraham ootsꞌu haíndene ꞌahli, ꞌet hoontsꞌi sghuni ꞌaw ookalheꞌnáhzun, ꞌet huwa sutuzilhghelh hukwaꞌ nahzun.

John 8:40

ꞋEt hoontsꞌi ꞌandit si ntsꞌoh te la ꞌunohdúsni-un tsꞌihꞌun unꞌa ꞌuhoontꞌoh whe Yakꞌusda tsꞌun whudástsꞌo. ꞋEt hoontsꞌi nohni sutuzilhghelh hukwaꞌ nahzun. Njan ꞌet ꞌaw Abraham be ꞌutꞌen kꞌoh iloh ꞌuhoontꞌoh.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.