John 5:3 - Yak'usda Ooghuni

³ Nyo bun tsilh tꞌah ꞌet tube lhane ndudane ꞌet husdla. Whulohne hoos̱ꞌenne, ꞌinkꞌez whulohne bodinꞌaíne, ꞌinkꞌez whulohne cha délhdusnine. ꞋEnne ndi too nótitnah-un, ꞌet huba hilhꞌih.

John 5:3 Iomraidhean Croise

Matthew 15:30

ꞋEt lhane dune, highu nindil. Mbene la nulhúsdilne, hoos̱ꞌenne, yalhulhdukne, ooyustꞌe bodinlane, ꞌuyoonne cha, tsꞌiyawh hitsꞌu botule. Hibut neboninla ꞌinkꞌez tsꞌiyawh soo náꞌbalhꞌen.

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Luke 7:22

ꞋEt Jesus John yugha hodulꞌehne ꞌubulhni, “John tsꞌu nahtꞌus. Ndet whunilhꞌen-un ꞌinkꞌez whudáhtsꞌo-un dóhniꞌ, hoos̱ꞌenne huhooꞌen huzdliꞌ. Nulhúsdilne húdilhne nahuzdliꞌ. Buka nódutsiꞌ, leprosy be butsun hooloh huzdliꞌ. Lheꞌdustsꞌone cha ꞌahuditsꞌo huszdliꞌ. Yaidlane cha dunahudidil. Telꞌenne cha khuni unzoo-i be bubulh yaínduk.

John 5:2

Nyo Jerusalem ꞌet ꞌusbai ba dádintan-i hoonli, ꞌet la whenghoh tádizꞌai-un whuzꞌai. Njan tádizꞌai-un, ꞌet Hebrew kꞌunꞌa Bethesda huwhútni, ꞌet whunat-un kwulat-un bun tsilh tꞌah whuzdla.

John 5:4

Soo nenaóodudzuk leꞌ whutꞌih totsuk la, lizas ndus de ha dúdoh ꞌinkꞌez tadizꞌaí-un, ꞌet too nunáhuyilnaih. Mbe la soo ꞌudechoo toot tayaih-un, ntsꞌoh dantꞌi-i dada be nduda, ꞌet hoontsꞌi soo naꞌutꞌih.

Romans 8:25

ꞋEt hoontsꞌi Yakꞌusda ndi netsꞌú hoozi-un ꞌawhuz lhtsꞌúhoosꞌen de, ꞌalhaꞌ hukwa tse tsꞌúholeꞌ zaꞌ tsꞌootꞌeꞌ.

James 5:7

ꞋInka sulhutsinke neMoodihti whusanátidalh whutsꞌun, ꞌet huba sulhꞌih. Dune ha níyeh ꞌulhꞌen-un, ndi haínulhyeh-i, ꞌi soo ꞌúlcho tileh whutsꞌun, saꞌ whe yuba sulhꞌi. ꞋOlulh ꞌinkꞌez dakꞌet naootilhtelh-un, ꞌet huba sulhꞌi.