John 5:2 - Yak'usda Ooghuni

² Nyo Jerusalem ꞌet ꞌusbai ba dádintan-i hoonli, ꞌet la whenghoh tádizꞌai-un whuzꞌai. Njan tádizꞌai-un, ꞌet Hebrew kꞌunꞌa Bethesda huwhútni, ꞌet whunat-un kwulat-un bun tsilh tꞌah whuzdla.

John 5:2 Iomraidhean Croise

John 19:13

Pilate whuduztsꞌai whe kwꞌutsꞌuzda yukꞌusda whe dune ba nahiyilh-i, ꞌi kꞌenátlꞌa didaꞌ. ꞋEt Jesus dubut nehéyolhtelh ndet la Hebrew kꞌunꞌa Gabbatha huwhútni, ꞌi khuni ꞌutni tse ookꞌut hoodzo-i ni whe ꞌutni. ꞋI kꞌut kwꞌutsꞌuzda yulhꞌai dune ba nahiyilh wheni.

John 19:17

ꞋInkꞌez dutulalhgus yuditelh whe ꞋUtsin Tsꞌun huwhútni, whuz oozya. ꞋEt Hebrew kꞌunꞌa Golgotha huwhútni.

John 19:20

Tube keyoh whenghoh ꞌuhuyinla whe tulalhgus kꞌehúyilhti ꞌet huwa, tube lhane Lizwifne ndi Pilate yukꞌúneꞌ úzguz-i hikꞌu yailhduk. ꞋInkꞌez ndi khuni tawh didowhne bukꞌunꞌa ꞌukꞌu nusguz. Hebrew kꞌunꞌa cha, Greek kꞌunꞌa cha, ꞌinkꞌez Latin kꞌunꞌa cha.

John 20:16

ꞋEt Jesus yukahizya, “Mary,” yúlhni. ꞋEt Mary nꞌawh nalhꞌa ꞌinkꞌez, “Rabboni!” yúlhni (ꞌi khuni nehodulhꞌeh-un ni whe ꞌutni).

John 5:3

Nyo bun tsilh tꞌah ꞌet tube lhane ndudane ꞌet husdla. Whulohne hoos̱ꞌenne, ꞌinkꞌez whulohne bodinꞌaíne, ꞌinkꞌez whulohne cha délhdusnine. ꞋEnne ndi too nótitnah-un, ꞌet huba hilhꞌih.

John 7:21

ꞋEt Jesus ꞌubulhni, “ꞋEt natsꞌulyís-un dzin ꞌilhoghi ꞌutꞌen ncha-i ꞌúsdla, ꞌet nohni huwa ꞌíhꞌen.

Acts 21:40

ꞋEt lhuganne moodih yugha óoninꞌai ꞌinka Paul dughaíti usyin ꞌinkꞌez dune buba núlhnih whe tꞌehudínel ꞌinkꞌez Paul Hebrew kꞌunꞌa bubulh yáwhenilhduk.

Revelation 16:16

ꞋEt Hebrew bughuni kꞌunꞌa Armageddon huwhútni-un, ꞌet wheni netsudule oonudúdeh-i ndi yun kꞌut whulerwene ꞌilhubohozdla.

Revelation 9:11

ꞋInkꞌez tsa kꞌet whucho whutlꞌah hooloh-un whulizas ꞌen bulerwe unli. ꞋEn Hebrew bukꞌunꞌa Abaddon huyulhni, ꞌinkꞌez Greek bukꞌunꞌa Apollyon be húyoozi.