John 4:3 - Yak'usda Ooghuni

³ ꞋEt neMoodihti ꞌawet Judea yun kꞌut whuchꞌa nasja ꞌinkꞌez Galilee tsꞌe natisja.

John 4:3 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Mark 3:7

ꞋEt doo cha za Jesus yugha hodulꞌehne ꞌinkꞌez Galilee bun tsꞌe náhoosdil. Galilee keyoh whutꞌenne whuz huyoonizdíl ꞌinkꞌez lhelhtsꞌiz de keyoh tsꞌe haíndilne tubulh. Judea tsꞌe haíndilne cha,

Luke 17:11

ꞋEt ꞌuhooja Jesus Jerusalem tizya whe yun kꞌut Samaria ꞌinkꞌez Galilee whulheguz lhuseya.

John 1:43

ꞋOm bun dzin Jesus Galilee tsꞌe tiyalh hukwaꞌ ninzun. Whuz oozya whe Philip huyúlhni, ꞌen nayilhti ꞌinkꞌez “Sunanyalh,” yúlhni.

John 10:40

Jordan koh nyaz tsꞌe ndet daꞌ John ꞌudechoo dune too be ꞌulhꞌen inleꞌ-un, whuz whe naja ꞌinkꞌez ꞌet indaꞌ.

John 11:54

ꞋEt whula gha tsꞌe Jesus ꞌaw tsꞌet Lizwifne butoh nulhúsyoh. Kꞌus yun kꞌut ꞌaw dune lhuhóotꞌih-un tsꞌe whuzih whuzꞌai, ꞌilhoghun keyoh Ephraim huwhútni, whuz whinya ꞌinkꞌez yugha hodulꞌehne tubulh ꞌet hudáltsꞌiꞌ.

John 2:11

Njan keyoh Cana Galilee yun kꞌut whuzꞌai ꞌet soo ꞌudechoo Jesus huwa ꞌítꞌen te naꞌditꞌen, ꞌinkꞌez dádiltiꞌ la ꞌet whúbunilhtan. ꞋI gha la yugha hodulꞌehne ꞌen ghun buba ꞌalhaꞌ yintꞌoh suliꞌ.

John 3:22

Njan ꞌoh túneꞌ whustꞌen hukwꞌelhꞌaz Jesus ꞌinkꞌez yugha hodulꞌehne te Judea yun kꞌut tsꞌe hoozdil. ꞋEt yugha hodulꞌehne te ꞌet hudáltsꞌiꞌ ꞌinkꞌez dune too beꞌ balhꞌen.

John 3:32

ꞋInkꞌez ndet la ndun whunalhꞌen ꞌinkꞌez whudántsꞌo-un, ꞌet ꞌuyoonne cha ubúlhni, ꞌet hoontsꞌi daja ubúlhni-un ꞌaw highuni lhulhchoot.

John 4:47

ꞋEt Jesus Judea yun kꞌut tsꞌu haínya ꞌinkꞌez Galilee yun kꞌut tsꞌe oozya, whulh ꞌúdantsꞌo whe yutsꞌoozya, Capernaum tsꞌe dudulh nátootꞌas duyeꞌ ꞌawet datítsah, ꞌen soo náꞌyooleh, ꞌet hukwa yutsꞌu tedudli.

John 7:1

Njan hukwꞌelhꞌaz Jesus Galilee yun kꞌut za nusúya. Lizwifne hituzilhghelh hukwaꞌ huninzun ꞌet whuchꞌa ꞌaw Judea yun kꞌut nóyaꞌ hukwa lheꞌnízun.