John 4:1 - Yak'usda Ooghuni

¹ ꞋEt Phariseene huyulh ꞌúdantsꞌo whe la ꞌuhutni, “Jesus ꞌen John anus lhane dune cha yugha hodulꞌehne suliꞌ, ꞌinkꞌez ꞌonus lhane too be ꞌúlhꞌen cha ꞌutꞌen,” hutni.

John 4:1 Iomraidhean Croise

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

Luke 19:31

Dune nohoodulhkut de, di ha ꞌulhꞌen kꞌunahꞌuk? ꞋEt njan dúdohniꞌ, neMoodihti yukaꞌ ninzun.”

Luke 19:34

ꞋInkꞌez ꞌet ꞌubuhútni, “NeMoodihti yukaꞌ ninzun.”

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”

John 3:22

Njan ꞌoh túneꞌ whustꞌen hukwꞌelhꞌaz Jesus ꞌinkꞌez yugha hodulꞌehne te Judea yun kꞌut tsꞌe hoozdil. ꞋEt yugha hodulꞌehne te ꞌet hudáltsꞌiꞌ ꞌinkꞌez dune too beꞌ balhꞌen.

John 3:26

ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

1 Corinthians 1:17

ꞋAw dune too beꞌ oosꞌen huba iloh whe Christ whuz de sutilhꞌaꞌ. Khuni unzoo-i be bubulh yatisduk huba ꞌusinla. ꞋAw dune khuni whunih be iloh njan nohbulh yasduk, doo ka la Christ ootulalhgus ꞌantsꞌi ꞌuntꞌoh ooleꞌ.

1 Corinthians 15:47

ꞋEt Yakꞌusda ꞌudechoo dune ndi yun kꞌut whutlꞌus ꞌi dune yulhtsi. ꞋEt whulh nat-un dune, ꞌen neMoodihti, ꞌen yakꞌuz tsꞌe hainzut whe ꞌuntꞌoh.

1 Corinthians 2:8

Ndi khuni neba whe ꞌuntꞌoh hooyoh, ꞌi ndi yun whumoodihne ꞌaw ꞌilhoghun daja ni tꞌeininzunne hooloh. ꞋEt ndi khuni neba whe ꞌuntꞌoh hooyoh tꞌehininzun de, ꞌet de neMoodihti whudiztiꞌ-un, ꞌen ꞌaw daꞌ tulalhgus kꞌelhúhiyilhtel ooleꞌ.

2 Corinthians 4:5

ꞋAw whenichꞌoh khuyanatsꞌulduk iloh. Christ, ꞌen Jesus neMoodihti, ꞌen ghun ꞌunohtsꞌútni. ꞋEt Jesus ꞌen ba noheꞌustlenne tsinli.

James 2:1

Sulhutsinke, neMoodihti Jesus Christ díztiꞌ-un, ꞌen nohba ꞌalhaꞌ ꞌuntꞌoh, ꞌet huwa khun te ndi yun kꞌut ꞌuyoon anus unzoo-un noohzin junih.

Revelation 19:16

Nayitsꞌuz-i ꞌinkꞌez oowuz kꞌut ꞌet ooziꞌ ꞌukꞌusguz whe ndutni, Lerwene buLerwe ꞌinkꞌez moodihne buMoodihti, ni.