John 3:2 - Yak'usda Ooghuni

² ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”

John 3:2 Iomraidhean Croise

Matthew 22:16

ꞋEt whe Phariseene bugha hodilhꞌeꞌne ꞌinkꞌez Herod didowhne cha, Jesus tsꞌe whebuhalhꞌaꞌ. ꞋEt nduhúyulhni, “Dune hodulhꞌeh-un tꞌetsꞌoninzun nyun tsꞌihꞌun dune ꞌintꞌoh ꞌinkꞌez khuni ꞌalha ꞌuntꞌoh-i be Yakꞌusda kꞌunꞌa dune hodilhꞌeh. Tsꞌiyanne mba lhgha ꞌintꞌoh. Dune dahótꞌen ꞌet hoontsꞌi mba ꞌantsꞌi ꞌuhoontꞌoh.

Matthew 23:7

ꞋInkꞌez ꞌutꞌalh-i be ꞌóoket-un, tsꞌiyanne hubodílhtiꞌ whe hadih buhutni, ꞌet huhóontꞌiꞌ. ꞋInkꞌez tsꞌiyawh ꞌilhoghun hinli whe, ‘Rabbi! Nehodulhꞌeh-un!’ huba hodóniꞌ hukwaꞌ huninzun.

Matthew 23:8

ꞋEt hoontsꞌi khun te ꞌuyoonne ‘Rabbi’ nohodóniꞌ junih! ꞋAw ꞌilhoghun za whunohodulhꞌeh-un hoonli ꞌet huwa, Christ ꞌen ꞌuntꞌoh. ꞋInkꞌez nohni tsꞌiyawh lhulhutsinke ꞌahli.

Mark 12:14

Jesus highu nindil whe ꞌuhutni, “Dune hodulhꞌéh-un tꞌetsꞌonínzun tsꞌihꞌun zaꞌ danelh. ꞋAw ꞌuyoonne daja huntizilh-un huwu ni lhínlo. Dune dantꞌóhne hoontsꞌi lhubunílhꞌen ꞌet hoontsꞌi Yakꞌusda beni kꞌoh tsꞌe huwun khuni ꞌalhaꞌ ꞌuntꞌoh-i be whúbodilhꞌeh. ꞋEt nedíni, Roman keyoh whumoodih ootsꞌun yun kꞌelha tsꞌuhoolhꞌi ꞌukꞌelha tsꞌuholhꞌeh kꞌus ꞌawundooh?”

John 1:38

Jesus butsꞌun úyalh ꞌubunilhꞌen huyuniꞌus whe ꞌet huboodulhkut, “Di khunáhta whe ꞌahtꞌen?” ubúlhni. ꞋEt ꞌuhuyúlhni, “Rabbi, ntsꞌe la hoontꞌi?” (ꞋEt ndi khuni Rabbi ꞌi Lizwif kꞌunꞌa dune hodulhꞌeh-un ni whe ꞌutni.) ꞋEt Jesus ubúlhni,

John 10:38

ꞋEt hoontsꞌi sBá be ꞌutꞌen ꞌusꞌen de, ꞌaw si nohba ꞌalhaꞌ lheꞌustꞌoh hoontsꞌi, ndi ꞌutꞌen ꞌusꞌen-i, ꞌi gha nohba ꞌalhaꞌ ꞌuhotꞌeꞌ. ꞋI gha la noheni be tꞌéwhunóhzin ꞌinkꞌez nohba ꞌalhaꞌ ꞌuhótꞌeꞌ sBá ꞌen syudínda ꞌinkꞌez si cha ooyudúsda,” ubúlhni.

John 12:37

Tube ꞌutꞌen-i uncha-i bunalh ꞌalhꞌen ꞌet hoontsꞌi ꞌaw buba ꞌalhaꞌ lheꞌítꞌoh.

John 14:10

Si sBá ooyudúsda ꞌinkꞌez sBá cha syudínda. ꞋEt ꞌaw eh mba ꞌalhaꞌ lheꞌhóotꞌoh? Khuni be nohbulh yásduk-i ꞌaw si sghuni iloh ꞌuntꞌoh. SBá syudínda-un, ꞌen ndi ꞌutꞌen ꞌuyulhꞌen-i ꞌuntꞌoh.

John 15:24

Ndi ꞌutꞌen ꞌaw ꞌuyoonne lheꞌyulhꞌén-i bunalh lheꞌyúsꞌel de, ꞌet de lubeshi ꞌulhꞌenne hinli-un ꞌaw daꞌ tꞌehonószin. ꞋEt ꞌandit ꞌutꞌen ꞌusꞌen-i hinalhꞌen ꞌet huwa si ꞌinkꞌez sBá bulh naniltꞌoh netsꞌu hudutni.

John 2:11

Njan keyoh Cana Galilee yun kꞌut whuzꞌai ꞌet soo ꞌudechoo Jesus huwa ꞌítꞌen te naꞌditꞌen, ꞌinkꞌez dádiltiꞌ la ꞌet whúbunilhtan. ꞋI gha la yugha hodulꞌehne ꞌen ghun buba ꞌalhaꞌ yintꞌoh suliꞌ.

John 20:16

ꞋEt Jesus yukahizya, “Mary,” yúlhni. ꞋEt Mary nꞌawh nalhꞌa ꞌinkꞌez, “Rabboni!” yúlhni (ꞌi khuni nehodulhꞌeh-un ni whe ꞌutni).

John 3:26

ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.

John 4:31

ꞋOh whuya hoozulh yugha hodulꞌehne huyúlhni, “Rabbi, naꞌintꞌalh!”

John 5:36

ꞋEt hoontsꞌi John si sghun ꞌuyoonne whúbunilhtan-un, ꞌon nus ꞌuwhulchó-un, ꞌet whustꞌi. Ndi ꞌutꞌen ꞌi sBá stlꞌa yánꞌai lhadóosdleh wheni, ꞌi ꞌutꞌen ꞌaw ꞌi za ooghásna, ꞌi gha la ꞌuyoonne tꞌehonózin, sBá ꞌen whuz de sútilhꞌaꞌ.

John 6:2

Ndudane butoh tube huwa ꞌítꞌen tuneꞌ ꞌutꞌen ꞌet hinilhꞌen, ꞌinka tube lhane ꞌilhunaoosdilne huyununúdilh.

John 7:31

ꞋEt ꞌilhozdílne butoh lhane ꞌen buba ꞌalhaꞌ yintꞌoh suliꞌ ꞌinkꞌez ꞌuhutni, “Ndun Christ whusaínya de, ndun yanus toleh huwa ꞌítꞌen te néꞌtitꞌen? ꞋAwundooh!” hutni. ꞋEt huwa ꞌen Christ ꞌuntꞌoh huninzun.

John 9:16

ꞋEt ndunne Phariseene whulohne ꞌuhutni, “Ndun dune ooghu yailhdúk-un, ꞌen ꞌaw Yakꞌusda ootsꞌu haínya-un iloh ꞌuntꞌoh. ꞋAw natsꞌulyis dzin hukwꞌu nulheꞌustꞌen ꞌet huwa.” ꞋEt ꞌuyoonne cha ꞌuhutni, “Ntsꞌenꞌa ꞌuwhutátꞌelh, ꞌaw lubeshi ꞌulhꞌen-un, ꞌen huwa ꞌítꞌen túneꞌ óotꞌen ꞌaítꞌoh!” ꞋEt huwun lhchꞌa nehudindil.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 2:22

Peter ꞌet cha ndutni, “Israel ootsꞌu hainzutne sghuni soo cho oozúlhtsꞌai, Jesus Nazareth whutꞌen-un, Yakꞌusda nohtsꞌítilhꞌaꞌ-un, ꞌen Yakꞌusda gha huwa ꞌítꞌen teneꞌútꞌen, ꞌet whe whunóhnilhtun njan nohtoh ꞌuhootꞌen ꞌet huwa tꞌewhunáhzun.

Philippians 1:14

ꞋInkꞌez neMoodihti be lhulhutsinke unline, ꞌenne ndi sluztih tlꞌool ꞌi gha ꞌon nus ꞌulcho-i be whélhoniljut Yakꞌusda ooghuni unzoo-i yahutilhduk ha.