John 2:4 - Yak'usda Ooghuni

⁴ Jesus ꞌet uyúlhni, “Tsꞌeke ꞌet di ha ꞌet ndusúdini? ꞋAw ꞌawhuz sba ꞌet nelhódiszit, ꞌawhuz stsꞌó dizulh whe ꞌuhoontꞌoh,” yúlhni.

John 2:4 Iomraidhean Croise

Matthew 15:28

ꞋEt Jesus ꞌuyulhni, “ꞋOoh tsꞌeke hooncha whe mba ꞌalha ꞌuhoontꞌoh-un, ꞌet hooncha wheꞌ hoontꞌoh. ꞋEt huwa hukwaꞌ ninzun kꞌunꞌa ꞌuhoneh.” ꞋOh whuya hoozulh-un, ooyatsꞌe soo naꞌuja.

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Luke 2:49

ꞋEt ubúlhni, “Di ha skunahta? ꞋAw lawk tꞌewhunuzúhzun ꞌuBá be ꞌutꞌen kꞌoh huwa óosnaꞌ hubaꞌ ꞌustꞌoh?”

John 12:23

ꞋEt Jesus ubúlhni, “ꞋAwet Yinka Dune Yeꞌ ooba whudutáltiꞌ-un, ꞌet whusahónzut.

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

John 2:3

ꞋEt njan lhghuskene ba honílhni whutoh ꞌet la ndi tsꞌekoo tooꞌ ntsool súliꞌ. ꞋEt Jesus ooloo yughu ninya ꞌinkꞌez yúlhni, “ꞋAw tsꞌekoo tooꞌ lhuhítꞌiꞌ.”

John 20:13

ꞋEt huyoodulhkut, “Tsꞌeke, di haꞌ dini intso?” ꞋEt ubúlhni, “SMoodihti ꞌutsꞌun whe húyalhti ꞌinkꞌez ntsꞌe suba ꞌahúyalhti ꞌaw tꞌéwhunuzúszun.”

John 20:15

ꞋEt Jesus ꞌuyulhni, “Tsꞌeke, ꞌet di ha intso? Mbe kunínta whe ꞌintꞌen?” ꞋEt Mary ꞌuninzun ha niyeh kꞌet huwunlí-un tole ꞌutꞌen, ꞌinkꞌez ꞌuyulhni, “Nyun ílhchoot ꞌinkꞌez ꞌutsꞌun wheílhti de, ntsꞌe nenilhti-un sudíni, ꞌet de si naóoschoot.”

John 7:30

ꞋEt hukwaꞌ huyólhchoot hukwaꞌ hitꞌen ꞌet hoontsꞌi ootsꞌun whudiltsꞌulh-un ꞌawhuz whusalhúwhulhtsꞌit, ꞌet huwa ꞌaw dalhúhuyilel.

John 7:6

ꞋEt Jesus ꞌubulhni, “Stso whudizulh-un ꞌawhuz whusalhúwhulhtsꞌit, ꞌet nohni nohtsꞌu hóoltsꞌulh-un, ꞌahoolhyiz lhawhúdintꞌoh.

John 7:8

Whute dzenis whuti tsꞌe whuz áhdulh. Sghá whuntꞌai-un ꞌawhuz ꞌaw lhalhódusne, ꞌet huwa ꞌawhuz ꞌaw si dzenis whuti tsꞌe toosyaꞌ ꞌaítꞌoh,” ubúlhni.

John 8:20

Jesus ndi khuni ꞌi be yailhduk lugliz whucho ꞌet dune hodulꞌeh daꞌ. Ntsꞌe la sooniya nahulhdzóoh-un, ꞌet dune hodulꞌeh. ꞋEt ꞌawhuz ooba whudizulh-un whutsꞌun hoozulh ꞌet huwa ꞌaw lhuhuyílhchulh.

2 Corinthians 5:16

ꞋEt ꞌinka ꞌandit dzin whutsꞌun ndi yun kꞌut dune nena be uznilhꞌen dahíntꞌoh la, ꞌet ꞌaw whuz unꞌa iloh whe dune tꞌebuzninzun. ꞋEt hoontsꞌi ꞌet whuz unꞌa Christ ꞌen ghun tꞌezninzun. ꞋEt hoontsꞌi ꞌandit ꞌaw whuz unꞌa za ꞌen ghun tꞌetsꞌonínzun.