John 17:3 - Yak'usda Ooghuni

³ Ndi ꞌilhiz be khuna-i ꞌuntꞌoh, Nyun za tsꞌihꞌun Yakꞌusda inli, ꞌinkꞌez mbene la Jesus Christ whuz de haílhꞌaꞌ-un, ꞌen ꞌuntꞌoh whe ꞌenne bughun soo dudeni be tꞌéhoninzunne, ꞌenne ndi ꞌilhiz huye khuna-i huyutꞌi ꞌet ꞌuhoontꞌoh.

John 17:3 Iomraidhean Croise

Mark 9:37

“Mbe la si sgha ndun tsꞌoodun danílhti de, si dasúnilhti wheꞌ hoontꞌoh, ꞌinkꞌez mbe dasúnilhti-un, si iloh dasútalhtelh. Sutílhꞌaꞌ-un, dahinilhti wheꞌ hoontꞌoh.”

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

John 10:36

ꞋEt Yakꞌusda ooYeꞌ usdli nohdúsni-un, ꞌet whula gha tsꞌe Yakꞌusda chꞌaz yásduk dahni whe skꞌehoohꞌaih. SBá ꞌen ꞌudun nésunilhti whe ndi yun kꞌut tsꞌe sutilhꞌaꞌ.

John 11:42

ꞋInkꞌez tꞌéwhunúszun ꞌahoolhyiz wheni soo zílhtsꞌai. ꞋEt hoontsꞌi njan ꞌudusní-un ndunne ꞌilhozdílne njan nodilhya, ꞌet de la nyun whuz de sútilhꞌaꞌ-un buba ꞌalhaꞌ ꞌuhotꞌeꞌ.”

John 14:26

ꞋEt ndun nohLaꞌutꞌen-un, Ndoni ꞌuntꞌoh, ꞌen si sooziꞌ gha sBá ꞌen nohtsꞌítilhꞌalh, tsꞌiyantsuk whunohodutilhꞌeh ꞌinkꞌez daja nohdásniꞌ la ꞌet whunalhnih cha nohtilhtselh.

John 17:18

Ntsꞌenꞌa la nyun ndi yun kꞌut whuduneꞌne butsꞌun whusalhꞌaꞌ, ꞌet whuz unꞌa ꞌenne ndi yun kꞌut whuduneꞌne butsꞌun whebisꞌaꞌ.

John 17:21

ꞋEt de la soo tsꞌiyanne ꞌilhoh ꞌudulhne hooleꞌ. ꞋUBá ntsꞌenꞌa la nyun syudínda, ꞌinkꞌez si cha nyudúsda, ꞌet whuz unꞌa za neyó ꞌuhootꞌeꞌ. ꞋEt whe la yinka whuduneꞌne soo tsꞌihꞌun unꞌa buba ꞌalhaꞌ ꞌuhotꞌeꞌ nyun whuz de sútilhꞌaꞌ.

John 17:23

Si buyoghi usdli ꞌinkꞌez Nyun si syoghi inli, ꞌet whuz unꞌa la ndunne ꞌilho hinli whe lhahádootneh. ꞋEt huwa la yinka whuduneꞌne soo dudeni be tꞌéhonózin Nyun whuz de sútilhꞌaꞌ. ꞋInkꞌez ntsꞌenꞌa la skꞌeinsiꞌ, whuz unꞌa ꞌenne cha bukꞌeinsiꞌ.

John 17:25

ꞋUBá Nyun tsꞌihꞌun ꞌuntꞌoh-un inli. ꞋEt yinka whuduneꞌne Nyun nghun ꞌaw dudeni be tꞌényonúszun. ꞋEt si tꞌényunúszun ꞌinkꞌez ndunne sulh ꞌútꞌenne cha tꞌéhonínzun Nyun whuz de sútilhꞌaꞌ.

John 17:8

Ndai la khuni ꞌenne buba stlꞌa dánꞌai-i, ꞌi cha bugha ínusꞌai. Soo cho huyílhchoot ꞌinkꞌez dudeni be tꞌehonínzun, ꞌet huwa Nyun ntsꞌu hásya ꞌinkꞌez Nyun whuz de sútilhꞌaꞌ, ꞌet cha dudeni be tꞌehonínzun ꞌinkꞌez buba ꞌalha ꞌuhoontꞌoh.

John 3:17

ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ.

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

John 5:44

Nohnichꞌoh nohtoh lhudúlhtiꞌ. ꞋEt hoontsꞌi, ndai la be ꞌúzdilhtiꞌ-i Yakꞌusda didutchꞌoh ootsꞌu haídiltsꞌut-i, ꞌi ꞌaw ookúlhnuzahtoh, ꞌet huwa ntsꞌenꞌa nohba ꞌalhaꞌ whutatꞌelh?

John 6:57

SBá, ꞌilhiz wheni khuna-un, ꞌen whuz de sútilhꞌaꞌ. ꞋEn gha si cha ꞌilhiz wheni khusna. ꞋEt whuz unꞌa mbe la skꞌut dune unli-un, si sgha ꞌilhiz ooleꞌ hutinalh.

John 7:29

ꞋEt ꞌen ootsꞌu hásya ꞌet huwa tꞌenuszun ꞌinkꞌez ꞌen whuz de ha sálhꞌaꞌ!” ubúlhni.

John 8:19

ꞋEt huyoodulhkut, “MBá ꞌen ntsꞌe usda?” ꞋEt Jesus ꞌubulhni, “ꞋAw si ꞌinkꞌez sBá bulh ꞌaw tꞌenenuzúhzun. Si tꞌesunáhzun de, sBá cha daꞌ tꞌenóhzin ooleꞌ.”

1 Corinthians 15:34

Ndai la tsꞌihꞌun ꞌuntꞌoh-i, ꞌi doo cha za noheni tánadihꞌaih hukwa ꞌulhꞌen. Lubeshi ꞌulhꞌen-un ꞌetsul ꞌahneh! Whulohne ꞌawhuz Yakꞌusda ghun tsꞌihꞌun tꞌehonúszun. Yooya oohleꞌ ha ꞌunohdúsni.

1 Corinthians 8:4

ꞋEt ndi tꞌalh-i ꞌukꞌeltsi gha tꞌaih-i ꞌuztiꞌulh, ꞌi ghun nohbulh yatisduk. ꞋEt ꞌukꞌeltsi ꞌantsꞌi unli ꞌi tꞌetsꞌonínzun. ꞋInkꞌez ꞌuyoo Yakꞌusda lhiloh, ꞌilhoghun za Yakꞌusda unli.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

Philippians 3:10

ꞋEt Jesus Christ ꞌen tꞌentiszeh hukwaꞌ nuszun. Ye ulhtus-i, ꞌi be dunaidilhti, ꞌinkꞌez dahoontꞌoh whe dzoh nusuzut, ꞌet cha tꞌewhuntiszeh. ꞋEt dazsai, si cha whuz unꞌa za ꞌutisnelh.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

1 Thessalonians 1:9

ꞋEnne didutchꞌoh nohni nohghun nebulh nahuhoolnuk ꞌet whe kꞌeke nedáhtni. ꞋInkꞌez ntsꞌenꞌa ꞌukꞌeltsi nohba ꞌalhaꞌ ꞌuntꞌoh-un, ꞌet whuchꞌa nasahdil whe Yakꞌusda tsꞌu nasulhya. Yakꞌusda, mbe khuna-un, ꞌinkꞌez ꞌalhaꞌ Yakꞌusda unli-un, ꞌen za ooba oohtꞌen ha.

2 Thessalonians 1:8

ꞋEt ꞌoh de ndunne Yakꞌusda tꞌenuszunne ꞌinkꞌez neMoodihti Jesus Christ ooghuni unzoo-i kꞌúnulheꞌustꞌenne, ꞌenne kwun tluk be buba ꞌukꞌelha whutaleh. ꞋEt whuz unꞌa ꞌenne butsꞌun kꞌutitnelh.

Hebrews 3:1

ꞋInka sulhutsinke, nohni Yakꞌusda oochꞌeꞌne ꞌahli. Soo hoonzoo hukwꞌunꞌa ndi yun kꞌut dólhtsꞌi ꞌet nohtsꞌu hukwaꞌ ninzun. ꞋEt huwa nohni tsꞌiyawh Christ Jesus ꞌen za ooghuni záhtan ꞌinkꞌez ꞌen ookꞌunꞌa oohtꞌeꞌ. ꞋEn whelꞌaꞌ-un ꞌuntꞌoh, ꞌinkꞌez be neba ꞌalha ꞌuhoontꞌoh-un, ꞌet huba neba lubret ꞌukꞌenus diztiꞌ-un unli.

2 Peter 1:2

Yakꞌusda ꞌinkꞌez Jesus neMoodihti, soo tsꞌihꞌun unꞌa ꞌen ooghun tꞌetsꞌoninzun-un, ꞌet ꞌi be Yakꞌusda ye unzoo-i ꞌinkꞌez ye tsꞌihꞌun ꞌuntꞌoh-i, ꞌi lhanꞌun te oohtꞌeꞌ.

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

2 Peter 1:8

Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.

1 John 1:2

Ndi be tsꞌukhuna-i nenalhtsꞌet haltsꞌut ꞌinkꞌez tsꞌohonꞌen ꞌinkꞌez howu yatsꞌalhduk. Ndi ꞌilhiz be tsꞌukhuna-i neBá bulh ꞌuntꞌoh. ꞋI nenalhtsꞌet ha hóoltsꞌut, ꞌet huwun nohtsꞌudániꞌ.

1 John 1:3

Ndet tsꞌohonꞌen-un ꞌinkꞌez tsꞌodántsꞌo-un, ꞌet huwun nohtsꞌútni. ꞋEt la lhulh ꞌutsꞌintꞌoh tsꞌooleꞌ. ꞋEt ꞌalhaꞌ neBá ꞌinkꞌez ooYeꞌ Jesus Christ bubulh ꞌilhoh uzdidowh.

1 John 2:23

Mbe la neBá ooYeꞌ tsꞌoodidlai-un, neBá cha lhiyítꞌih whe ꞌuntꞌoh. Mbe neBá ooYeꞌ ooba ꞌalhaꞌ yintꞌoh de, ooBá cha yutꞌi whe ꞌuntꞌoh.

1 John 4:6

Wheni Yakꞌusda oochꞌeꞌne tsinli. Mbene la Yakꞌusda tꞌeninzunne, ꞌenne nehuditsꞌo. Mbene la Yakꞌusda oochꞌeꞌ lhilohne, ꞌenne ꞌaw lhunehoozílhtsꞌai. ꞋEt huwa njan nududeh-i tsꞌihꞌun ꞌuntꞌoh-i ꞌinkꞌez tankꞌus ꞌuntꞌoh-i nudúdeh-i tꞌebuznínzun.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.