John 13:3 - Yak'usda Ooghuni

³ ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 13:3 Iomraidhean Croise

Matthew 11:27

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Luke 10:22

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeooninzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez ooYeꞌ ꞌonghohne whubuntilhtun hukwaꞌ ninzun de, ꞌen za oobaꞌ hoontꞌoh.”

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 3:13

ꞋAw ꞌilhoghun dune ndo yakꞌuz whenya-un hooloh, ꞌaw ꞌilhoghun za ꞌuja-un ndus de yakꞌuz haínya. ꞋEn ꞌuntꞌoh Yinka Dune Yeꞌ unli, ꞌen ꞌuntꞌoh yakꞌuz ookeyoh whuzꞌai.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

John 7:29

ꞋEt ꞌen ootsꞌu hásya ꞌet huwa tꞌenuszun ꞌinkꞌez ꞌen whuz de ha sálhꞌaꞌ!” ubúlhni.

John 7:33

ꞋInka Jesus ꞌilhozdílne ubúlhni, “ꞋAwhuz dzoh saꞌyaz tileh ꞌet nohbulh ꞌutistꞌelh ꞌet ꞌinkꞌez mbe la whuz de ha sálhꞌaꞌ-un, ꞌen ootsꞌu nátisdalh.

John 8:14

ꞋEt Jesus ꞌubulhni, “Ntsꞌez de hásya la tꞌéwhunúszun ꞌinkꞌez ntsꞌe tisyalh-un cha tꞌéwhunúszun, ꞌet huwa daja dusni la, si sghun ꞌalha ꞌuhoontꞌoh, ꞌet ntsꞌez de hásya-un ꞌinkꞌez ntsꞌe tisyalh-un nohni ꞌaw tꞌéoonuzúhzun.

John 8:42

ꞋEt Jesus ꞌubulhni, “Yakꞌusda ꞌen nohbá unli de, si skꞌeoohsiꞌ ooleꞌ daꞌ, Yakꞌusda ootsꞌun hasya ꞌet huwa. ꞋAw sichꞌoh sghá iloh whusásya, Yakꞌusda whusasálhꞌaꞌ.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

1 Corinthians 15:27

ꞋEt huwa njan ndutni, “Tsꞌiyaitsuk dudanyo ꞌuntꞌoh yulhtsi.” ꞋEt hoontsꞌi ꞌoh daꞌ ꞌukꞌeyánguz whe ndutni, “Tsꞌiyaitsuk dudanyo ꞌuntꞌoh yulhtsi,” ꞌet hoontsꞌi ꞌaw Yakꞌusda duYeꞌ Jesus Christ anyo neꞌdudoltelh ꞌaitꞌoh ni whe ꞌutni.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.