John 13:2 - Yak'usda Ooghuni

² ꞋEt hulhgha naꞌhitꞌal hukwꞌelhꞌaz ꞌudaꞌ netsudule Judas Iscariot Simon ooyeꞌ Jesus yeꞌ óotakulh hukwaꞌ noozin-un, yudzi yo neoodinꞌai.

John 13:2 Iomraidhean Croise

Matthew 10:4

Simon, ꞌen Canaanite yun kꞌut whutꞌen-un, ꞌinkꞌez Judas Iscariot ꞌen ꞌuja Jesus be ꞌonket-un.

Luke 22:3

ꞋEt Satan Judas ye yínya. ꞋEn Iscariot huyulhni. Whunizyane ꞌon ꞌat nane, ꞌenne butoh ꞌilhoghun ꞌuntꞌoh.

Luke 22:31

ꞋInkꞌez neMoodihti ꞌutni, “Simon, Simon, soo zilhtsꞌai! Satan tube nkadaniꞌ. Tlꞌo maiꞌ lhtah ha nyununtidlih.

John 13:11

ꞋEt ꞌudaꞌ tꞌéwhunínzun mbe la yeꞌ óotakulh-un ꞌinka ꞌutni, “ꞋAw tsꞌiyawh iloh lhdahtsun.”

John 13:4

ꞋEt naꞌhitꞌal ꞌinkꞌez yoo ꞌaz ye dune unli-i ꞌudúneninla. Lusooma ilhchoot dubut neínílhbal ꞌinkꞌez yulh tsꞌú dilhꞌoo.

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

2 Corinthians 8:16

Yakꞌusda tsꞌun musi tsꞌutni. Titus oodzi lhtus yulhtsi, ꞌet whe soo cho nohla titꞌelh ꞌet hukwaꞌ ninzun.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.

Revelation 17:17

Yakꞌusda ntsꞌenꞌa daóotanelh-un hukwaꞌ ninzun-un, ꞌet budzi yo danla soo lhkꞌunꞌa za nuni hunoozut ha. ꞋInkꞌez lerwene hiye kꞌuneꞌ ꞌutꞌen-i, ndi khuna-iti ntsiꞌ-i hitlꞌa óotilelh, ndet la Yakꞌusda ooghuni lhawhúdutitneh ꞌet whutsꞌun.