John 11:2 - Yak'usda Ooghuni

² Ndun Mary ꞌen ꞌuja ínleꞌ neMoodihti khe sooltsun-i be yuke tunásuguz ꞌinkꞌez dutsighaꞌ be yunaꞌalhde ínleꞌ. ꞋEn bulhutsin Lazarus ꞌen unduda.

John 11:2 Iomraidhean Croise

Mark 14:3

ꞋIlhoghun keyoh wheyaz Bethany, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda. Naꞌutꞌalh whe tsꞌeke kꞌunútsútjul díztiꞌ-i tse bé ha hoogaz-i be súlhdzo ꞌinkꞌez oodéꞌ duldze yiꞌalh whe danínya. Yayányuz ꞌinkꞌez kꞌunutsꞌútjul ꞌi Jesus yutsi kꞌeyilhdzo.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”

John 11:21

ꞋEt Martha Jesus ꞌuyulhni, “SMoodihti, njan sinda inleꞌ de, ꞌaw daꞌ sulhutsin dalhitsa ooleꞌ daꞌ.

John 11:3

Bulhtuske Jesus khuni hitsꞌó tlꞌa danꞌai, “NeMoodihti dune ookꞌensíꞌ-un, ꞌen unduda,” huyúlhni.

John 11:32

Jesus ndet daꞌ ꞌutꞌen Mary whuz oozya. Soo yutilhꞌen ibulh yubut dugwutsi be nenínya ꞌinkꞌez ꞌuyulhni, “SMoodihti, njan ꞌintꞌoh de, ꞌaw daꞌ sulhutsin dalhitsal ooleꞌ daꞌ.”

John 12:3

ꞋEt Mary lubot dizbun atꞌen, kꞌunutsꞌújul soo díztiꞌ-i, ꞌughih nard huyulhni, ꞌi utahaltsus-i whusayánꞌai. ꞋI be Jesus yuke yulhlho ꞌinkꞌez dutsighaꞌ be yunaꞌalhde. Yoh ndulcho whe kꞌunutsꞌújul be soo whultsun suliꞌ.

John 13:13

Whuneoodulhꞌeh-un ꞌinkꞌez Moodihti sudúhni. ꞋEt ꞌalhaꞌ duhni wheꞌ duhni, si ꞌen ꞌustꞌoh ꞌet huwa.

John 13:14

ꞋEt si ꞌen ꞌustꞌoh dune hodulꞌeh-un ꞌinkꞌez Moodihti usdli whe nohke tunasusguz, ꞌet nohni cha whuz unꞌa ulhke tunaóohgus hubaꞌ hoontꞌoh.