John 10:4 - Yak'usda Ooghuni

⁴ Tenábulih hukwꞌelhꞌaz, ꞌet butso tuyaih ꞌinkꞌez ꞌusbai tsꞌiyawh huyunilhꞌus, highuni tꞌehinínzun ꞌet huwa.

John 10:4 Iomraidhean Croise

Matthew 16:24

Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

John 10:16

ꞋUyoo cha ꞌusbai ꞌustꞌí-i hoonli. ꞋAw ndi toh iloh. ꞋEnne cha whusáboosdlelh huba ꞌuhoontꞌoh. Sghuni hidótsꞌo, ꞌinkꞌez la ꞌilhoh ulhꞌus-i za hutileh ꞌinkꞌez ꞌilhoghun za ꞌusbai ghunlí-un whutáleh.

John 10:27

Seꞌ ꞌusbaine tꞌébunúszun. Sghuni hiditsꞌo ꞌinkꞌez sunónudilh.

John 10:3

ꞋEn dáti ghunli-un yuba daháꞌ dutih. ꞋEt de ꞌusbai, bubooziꞌ be buka huyih te, hiditsꞌo huwa tꞌehinínzun ꞌinkꞌez ꞌaz huyuntulhꞌus.

John 10:5

ꞋEt ꞌantsꞌi ꞌoh nuya-un, ꞌen ꞌaw huyuntoolhꞌas ꞌaítꞌoh. ꞋAntsꞌi ꞌoh núya-un ꞌuntꞌoh ꞌaw ooghuni tꞌehinúszun ꞌet huwa hichꞌa nutselhdilh,” ꞌubulhni.

John 10:8

Mbene la stso whusaíndilne, ꞌenne ꞌundunutꞌihne ꞌuhintꞌoh ꞌet huwa ꞌaw ꞌusbai lhuboozílhtsꞌai.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 13:15

ꞋAndit nohnalh danóhusdla la, whuz unꞌa nohni cha ꞌet ndulhóolhꞌen.

John 18:37

ꞋEt huwa Pilate yoodulhkut, “ꞋEt de lerwe inli whe ꞌintꞌoh!” ꞋEt Jesus ꞌuyulhni, “Nyun ꞌalhaꞌ ꞌudini lerwe usdli. ꞋEt wheni whuzúsdli ꞌet huwa yinka whuduneꞌne soo cho dudeni be khuni ꞌalhaꞌ ꞌuntꞌoh-i tꞌéhinoozeh ꞌinka ndi yun kꞌut nenúsya. Mbene la khuni ꞌalhaꞌ ꞌuntꞌoh-i tꞌehuninzunne, daja dusni la soo cho suhoozílhtsꞌai.”

John 3:29

ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.

1 Corinthians 11:1

Ntsꞌenꞌa la Christ kꞌunꞌa ꞌustꞌoh, ꞌet nohni cha si skꞌunꞌa oohtꞌeꞌ.

Ephesians 5:1

ꞋEt nohni Yakꞌusda yukꞌentsiꞌne ꞌahtꞌoh, ꞌinkꞌez ꞌen buzkeh ꞌahtꞌoh. ꞋEt huwa ookꞌoh túneꞌ oohtꞌen.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.

Hebrews 6:20

ꞋEt Jesus Christ ꞌudaꞌ ꞌuja netso nusiya-un, ꞌen whuz danínya. Melchizedek ꞌen kꞌunꞌa ꞌilhiz wheni lubret ꞌukꞌenus diztiꞌ-un suliꞌ.

1 Peter 2:21

Njan ꞌet wheni nohkaꞌ whudaniꞌ, Christ ꞌen cha neba dzoh nusúzut. ꞋEn ookꞌunꞌa buneꞌúznootꞌen ha whunénilhtan. ꞋEt huwa ꞌen za butsꞌun toodilh hubaꞌ hoontꞌoh.

1 Peter 4:1

ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa.

1 Peter 5:3

Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.