John 10:3 - Yak'usda Ooghuni

³ ꞋEn dáti ghunli-un yuba daháꞌ dutih. ꞋEt de ꞌusbai, bubooziꞌ be buka huyih te, hiditsꞌo huwa tꞌehinínzun ꞌinkꞌez ꞌaz huyuntulhꞌus.

John 10:3 Iomraidhean Croise

John 10:14

Si ꞌusbai ghunlí-un unzóo-un ꞌustꞌoh, mbene la uschꞌeꞌne tꞌebunúszun ꞌinkꞌez didut cha tꞌésonínzun.

John 10:16

ꞋUyoo cha ꞌusbai ꞌustꞌí-i hoonli. ꞋAw ndi toh iloh. ꞋEnne cha whusáboosdlelh huba ꞌuhoontꞌoh. Sghuni hidótsꞌo, ꞌinkꞌez la ꞌilhoh ulhꞌus-i za hutileh ꞌinkꞌez ꞌilhoghun za ꞌusbai ghunlí-un whutáleh.

John 10:4

Tenábulih hukwꞌelhꞌaz, ꞌet butso tuyaih ꞌinkꞌez ꞌusbai tsꞌiyawh huyunilhꞌus, highuni tꞌehinínzun ꞌet huwa.

John 10:9

Si datí ꞌustꞌoh. Mbene la si sgha daníndilne, ꞌenne tsꞌiyawh hudutijih. Dahúnindil ꞌinkꞌez whuz ꞌaz whe hándil de, tlꞌo kꞌut nahuhootáꞌalh.

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

John 6:45

Nus hooꞌenne ndi ꞌi ꞌukꞌu nuhúyuzguz ínleꞌ, ‘Yakꞌusda ꞌen tsꞌiyanne hubodutilhꞌeꞌ,’ ꞋEt huwa mbene la sBá highuni dantsꞌo ꞌinkꞌez ꞌi gha huhodilꞌeꞌ de, ꞌenne stsꞌun hutidulh.

Romans 8:30

Mbene la whutsodaꞌ duchꞌeꞌ tilehne tꞌebunínzun ꞌenne hutijih ha bukaꞌ daniꞌ. ꞋEt tankꞌus ꞌuhutꞌen-un buba gak whulhtsi, ꞌinkꞌez ꞌenne bubudálhtiꞌ.

1 Corinthians 16:9

ꞋEt dati kꞌus úncha-i, ꞌi sba dáhaidahankez léꞌhooja, ꞌinkꞌez lhane schꞌaz ditnine hoonli.

Philippians 4:3

ꞋInkꞌez nyun tsꞌihꞌun stsꞌú ditni-un inli, ntsꞌu tedusdli, ndunne tsꞌekoo, khuni unzoo-i be sla ꞌitꞌenne, ꞌenne bula ꞌintꞌen. Clement, ꞌen cha, ꞌinkꞌez ꞌonghohne cha sla ꞌitꞌenne, ꞌenne tsꞌiyawh ndi ꞌudustlꞌus khunane bubooziꞌ ookꞌusguz-i, ꞌi kꞌut ꞌenne cha bubooziꞌ ꞌukꞌusguz.

Colossians 4:3

Wheni cha neba tenadoohdli. Yakꞌusda neba dáhaꞌ dootan ooghuni be yatsꞌoolhduk ha. ꞋEt Christ ghun wheꞌ hoontꞌoh hooyoh-un, ꞌet tsꞌiyanne, tsꞌun howu yatsꞌoolhduk. ꞋAndit ꞌet huwa ꞌadusꞌai.

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

1 Peter 1:12

ꞋInkꞌez ndunne nus hooꞌenne, ꞌenne Yakꞌusda whubunilhtan ꞌaw ꞌenne buba lheꞌhootꞌoh. ꞋEt kꞌus wheni za neba nus húhonꞌen. ꞋEt ꞌawet ndunne khuni unzoo-i be yalhdukne, ꞌenne Ndoni yakꞌuz ndus de hálꞌaꞌ-un, ꞌen be nohodániꞌ. ꞋInkꞌez nduhoontꞌoh-un, lizasne, ꞌenne hoontsꞌi nahahootáꞌalh hukwaꞌ huninzun.

1 John 4:6

Wheni Yakꞌusda oochꞌeꞌne tsinli. Mbene la Yakꞌusda tꞌeninzunne, ꞌenne nehuditsꞌo. Mbene la Yakꞌusda oochꞌeꞌ lhilohne, ꞌenne ꞌaw lhunehoozílhtsꞌai. ꞋEt huwa njan nududeh-i tsꞌihꞌun ꞌuntꞌoh-i ꞌinkꞌez tankꞌus ꞌuntꞌoh-i nudúdeh-i tꞌebuznínzun.

3 John 1:14

ꞌet hoontsꞌi ꞌa cho, nyutiselh hukwa tse hóosdli. ꞋInkꞌez soo lhunílꞌen whe yatálduk. Tsꞌihꞌun unꞌa lhtsꞌun óohtꞌeꞌ. Nekꞌekene nezih dilhtsꞌine, ꞌenne hadih nyuhútni. Nekꞌekene nzih dilhtsꞌine, ꞌenne ꞌilhoghun hinli hadih ubudíni.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.

Revelation 3:20

Soo zulhtsꞌai, dati susyin ꞌinkꞌez dati dunuzkwꞌuz. Mbe suditsꞌo-un ꞌinkꞌez sba dáhaꞌ dantan-un, ooghu datisyalh ꞌinkꞌez bulh naꞌtistꞌulh ꞌinkꞌez didut cha sulh naꞌtitꞌulh.

Revelation 7:17

ꞋEt huwa ꞌubinla, ꞌusbaiyaz kwꞌutsꞌuzda cho diztiꞌ-i butoh ꞌuntꞌoh, ꞌen bughu tileh whe butso tiyalh ꞌinkꞌez ndi too ꞌilhiz wheni ookꞌu tsꞌukhuna-i, ꞌi tsꞌun ꞌúbutilelh. ꞋInkꞌez Yakꞌusda bunatsul tooꞌ tsꞌiyawh buna kꞌet yúnaitilhdoh.”