John 10:2 - Yak'usda Ooghuni

² ꞋEt mbe la dáti tsꞌe dayaih-un, ꞌen ꞌusbai ghunlí-un ꞌuntꞌoh.

John 10:2 Iomraidhean Croise

Matthew 15:11

Dune buza yúkat-i, ꞌet whe íloh hintsiꞌ hulhih. Khuni ꞌaw lhizooꞌ-i ye yalhduk-i, ꞌi be dune hintsiꞌ lhih.”

John 10:14

Si ꞌusbai ghunlí-un unzóo-un ꞌustꞌoh, mbene la uschꞌeꞌne tꞌebunúszun ꞌinkꞌez didut cha tꞌésonínzun.

John 10:7

ꞋInka doo cha za Jesus ꞌubulhni, “Soo tsꞌihꞌun unꞌa nohdúsni, Si ꞌusbai ba dáti usdli whe ꞌustꞌoh.

John 10:9

Si datí ꞌustꞌoh. Mbene la si sgha daníndilne, ꞌenne tsꞌiyawh hudutijih. Dahúnindil ꞌinkꞌez whuz ꞌaz whe hándil de, tlꞌo kꞌut nahuhootáꞌalh.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

1 Timothy 4:14

ꞋEt ꞌoh daꞌ ndunne ꞌutso whudilhdzulhne dula ntsi kꞌut hudalni. ꞋEt whe mba nus huhonꞌen ꞌinkꞌez ꞌi nghantꞌai-i ꞌantsꞌi mba ooleꞌ junih.

Titus 1:5

ꞋEt wheni Crete ꞌet nenyunusti, ndi khuni ntlꞌa disꞌai-i, ꞌi be ndet lhalhoditꞌoh-un tsꞌiyawh tsꞌihꞌun unꞌa lhaoodutanleh ꞌinkꞌez lhelhdun keyoh ꞌoh ꞌutso whudilhdzulhne ꞌutahabinle.

Hebrews 13:20

ꞋAwet Yakꞌusda be nedzi dizghel-un ootꞌeꞌ negha óoninꞌai-un, ꞌen neMoodihti Jesus Christ buzkaiꞌ be neba nadíltꞌiꞌ-i, ꞌet huwa yaidlane toh dunaidilhti. ꞋEn ꞌusbai ghunli ncha-un ꞌuntꞌoh. ꞋInkꞌez ndi ꞌuskaiꞌ ꞌi be ꞌilhiz wheni khuni neba lhaídinla-i whe ꞌuntꞌoh.

1 Peter 2:25

ꞋAntsꞌi ꞌusbaiyaz ninta nilhꞌaz-i leꞌ ꞌahtꞌoh inleꞌ. ꞋEt ꞌandit ndun ꞌusbai ghunli leꞌ ꞌuntꞌoh-un ꞌinkꞌez nezul ghúndli-un cha, Jesus ꞌen ꞌuntꞌoh, ꞌen ooghu nanahdil.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.

Revelation 1:20

Ndi lhtakꞌantꞌi sum snailhni slakꞌet inꞌen-i, ꞌinkꞌez lhtakꞌantꞌi nanusaꞌa-i gold be ꞌulya-i be hootꞌen-i cha, ꞌi ooghun wheꞌ hoontꞌoh hooyoh-un, ꞌet njan ndúhoontꞌoh: Lhtakꞌantꞌi sum ꞌi lhtakꞌantꞌit-un Yakꞌusda ba ꞌilhunaoodulhne, ꞌenne bulizas ꞌuntꞌoh. ꞋInkꞌez lhtakꞌantꞌi be hootꞌen-i, inꞌen-i, ꞌi lhtakꞌantꞌit Yakꞌusda ba ꞌilhunaoodulhne ꞌuntꞌoh.”