John 1:9 - Yak'usda Ooghuni

⁹ Ndi be hóotꞌen-i, ꞌi tsꞌihꞌun ꞌuntꞌoh, ꞌinkꞌez be hóotꞌen-i, ꞌi tsꞌiyanne dune bugha itaꞌalh, ꞌet wheni ꞌen ndi yun kꞌeínya.

John 1:9 Iomraidhean Croise

Matthew 6:23

ꞋEt hoontsꞌi dune na lubeshi be untsiꞌ de, ꞌet ooyustꞌe ndulcho whe tsalhgus be dutabun. ꞋEt huwa ndi be hootꞌen nohbulh ꞌuntꞌoh tsalhgus kꞌunꞌa be hoodatꞌen de, ꞌet dálcho-i be suba tsahólhgus ooleꞌ?”

Luke 11:36

ꞋEt huwa nohyustꞌe ndulcho whe be hootꞌen-i dizbun, ꞌinkꞌez ꞌaw hoontsool-unyaz hoontsꞌi tsalhgus ooghu hooloh de, ꞌet de la ndulcho-i be be hootꞌen ooleꞌ. ꞋEt whuz unꞌa be hootꞌen-i ulhtus-i kꞌunꞌa whedindi, ꞌi gha la soo hoohꞌen.”

John 1:4

Be tsꞌúkhuna-i ꞌen ootsꞌu haídanzut ꞌinkꞌez ꞌi tsꞌiyanne dune buba be hootꞌen-i ꞌuntꞌoh.

John 1:7

Ndun dune ꞌen tsꞌiyanne dóniꞌ ndi be hóotꞌen-i, ꞌi ghun. ꞋEn gha tsꞌiyanne buba ꞌálhaꞌ hotꞌeꞌ.

John 12:46

Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞋEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

John 15:1

“Soo mai chun ꞌi ꞌustꞌoh ꞌinkꞌez sBá ꞌen mai kꞌet huwunlí-un unli.

John 6:32

ꞋEt Jesus ꞌubulhni, “Soo tsꞌihꞌun unꞌa nohdúsni, ꞌaw Moses ꞌen íloh ndi lhes yakꞌuz hainkat-i nohgha yáꞌaih inleꞌ, ꞌet kꞌus sBá ꞌen ꞌutꞌen yakꞌuz whules nohgha yúꞌaih.

John 7:12

ꞋEt ꞌilhozdílne didutchꞌoh dutoh whuꞌízyaz whe highu yalhduk. Whulohne cha ꞌen unzoo hutni, ꞌinkꞌez whulohne cha ꞌawundooh dune nanaꞌah hutni.

1 John 1:8

ꞋAw lubeshi lhtsꞌitꞌih tsꞌutni de, naꞌuzdunutꞌah ꞌinkꞌez khuni ꞌalhaꞌ ꞌuntꞌoh-i neghu hooloh.

1 John 2:8

Tsalhgus yo ꞌawet whedúdeh ꞌinkꞌez tsꞌihꞌun be hóotꞌen-i ꞌawet be hóotꞌen suliꞌ. ꞋEt huwa nohtsꞌó kꞌeꞌusges ꞌinkꞌez doo cha ꞌunohdúsni, ꞌandit khuni netlꞌa ídanꞌai-i, ꞌi ndi ꞌalhaꞌ khuni ꞌi yulh ꞌúntꞌoh, ꞌinkꞌez nohni cha bulh ꞌáhtꞌoh.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.