John 1:4 - Yak'usda Ooghuni

⁴ Be tsꞌúkhuna-i ꞌen ootsꞌu haídanzut ꞌinkꞌez ꞌi tsꞌiyanne dune buba be hootꞌen-i ꞌuntꞌoh.

John 1:4 Iomraidhean Croise

Matthew 4:16

Mbene la tsalhgus yo dilhtsꞌine, ꞌenne kwun uncha-i hitilhꞌen. Ntsꞌe la yun kꞌut sa whusꞌih whuzꞌai-un, ndi sa whusꞌih, ꞌi be daztitsah-i, ꞌi ꞌuntꞌoh. Mbene la ꞌet whutꞌenne, ꞌenne be hóotꞌen unli-i, ꞌi be buba yulhkai ꞌuhooja.”

Luke 2:32

ꞋUdun yun kꞌut whutꞌenne cha buba be hootꞌen-i ꞌuntꞌoh. ꞋEn be hitiꞌelh. ꞋInkꞌez Israel ooduneꞌne, cha buba idiztiꞌ-un ꞌen ꞌuntꞌoh,” ni.

John 11:25

ꞋEt Jesus ꞌuyulhni, “Si ꞌustꞌoh dunene tsꞌiyanne dunabudusdle-un ꞌinkꞌez ꞌilhiz wheni huye khóonaꞌ-i bugha yúsꞌaih. Tsꞌiyanne mbene la ooba ꞌalhaꞌ ꞌustꞌohne, dahúzsai ꞌet hoontsꞌi huhutinalh.

John 12:35

ꞋEt Jesus ꞌubulhni, “ꞋAwhuz dzoh saꞌyaz whuzꞌai ꞌet ndi be hóotꞌen-i nohbulh ꞌútitꞌelh. ꞋAwhuz ndi be hóotꞌen-i nohbulh ꞌúntꞌoh whe ꞌahdulh za ꞌahtꞌen. ꞋEt nduhtꞌen de, ꞌaw tsalhgus nohkꞌédoltsꞌit ꞌaítꞌoh. Mbene la tsalhgus yo udúlhne ꞌaw ntsꞌe hidulh tꞌéhonúszun.

John 12:46

Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞋEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

John 3:19

ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh.

John 5:21

OoBá ntsꞌenꞌa la yaidlane dunabudile ꞌinkꞌez ꞌilhiz huye khúna-i bughaꞌaih, whuz unꞌa za ooYeꞌ, mbene la bukaꞌ ninzunne, ꞌenne ꞌilhiz huye khúna-i bughaꞌaih.

John 5:26

SBá ꞌen dichꞌoh huye khúna-i yutꞌi. ꞋEt whuz unꞌa za duYeꞌ, ꞌen cha be khútna-i dichꞌoh yutꞌi, ꞌet yugha óoninꞌai ꞌet huwa.

John 8:12

ꞋEt Jesus doo cha za bubulh yálhduk whe ndutni, “Si ꞌustꞌoh yinka whuduneꞌne buba be hóotꞌen-i usdli. Mbe la suniyalh-un, ꞌaw tsálhgus yo hutooyaꞌ ꞌaítꞌoh, kꞌus ndi be hóotꞌen-i higha ꞌilhiz wheni hutinalh-i, ꞌi la huyótꞌeꞌ,” ubúlhni.

John 9:5

ꞋAwhuz ndi yun kꞌut susda whe, ndi yun kꞌut whuduneꞌne buba be hóotꞌen-i usdli.”

Acts 26:23

Christ ꞌen dzoh nutizut ꞌudéchoo dune ꞌutinilh, datítsah, ꞌinkꞌez ꞌilhiz dunadutádalh whuz unꞌa ooneh hubaꞌ hoontꞌoh. ꞋEt whe la Lizwif ꞌinkꞌez ꞌudun yun kꞌut whutꞌenne hudutijih. Be hootꞌen, ꞌi be ndi tsálhgus hiyáhanadutidulh.”

1 Corinthians 15:45

ꞋEt whuz unꞌa ꞌukꞌehóoguz whe ndutni, “ꞋEt ꞌudechoo dune Adam ꞌet oozul khuna suliꞌ.” ꞋEt ꞌudekꞌez-un Adam ꞌen gha neyughi khuna, ꞌet whuz unꞌa ꞌuneínla.

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”

Colossians 3:4

Christ ꞌen be tsꞌúkhuna-i ꞌuntꞌoh. ꞋIlhudzin be hoodutaltsilh ꞌet ꞌoh de nohni cha ye diztiꞌ-i, ꞌi be ꞌen bulh whuz unꞌa ꞌutihnelh.

1 John 1:1

Soo ꞌudechoo daꞌ whutsꞌun hoonli-un soo tsꞌihꞌun unꞌa whuzdántsꞌo-un, nena be cha tsꞌonalhꞌen, ꞌinkꞌez nela be cha ootꞌá tsꞌaznai khuni be tsꞌúkhuna-i, ꞌi ghun.

1 John 1:2

Ndi be tsꞌukhuna-i nenalhtsꞌet haltsꞌut ꞌinkꞌez tsꞌohonꞌen ꞌinkꞌez howu yatsꞌalhduk. Ndi ꞌilhiz be tsꞌukhuna-i neBá bulh ꞌuntꞌoh. ꞋI nenalhtsꞌet ha hóoltsꞌut, ꞌet huwun nohtsꞌudániꞌ.

1 John 5:11

Ndi oonalh ꞌóohooja-i, ꞌi Yakꞌusda ꞌilhiz tsꞌuhutinalh-un negha óoninꞌai. Ndi ꞌilhiz be tsꞌúkhuna-i, ꞌi ooYeꞌ bulh ꞌúntꞌoh.

Revelation 22:1

ꞋInkꞌez ꞌukoh soo too unzoo-i, oogha tsꞌukhuna-i soo unzoo kꞌet teh ndulcho whe hootꞌen, ꞌet whusúnilhtan. Yakꞌusda ꞌinkꞌez ꞌusbaiyaz bukwꞌutsꞌuzda cho díztiꞌ-i, ꞌi ꞌukoh ootsꞌu ha yánli.

Revelation 22:16

“Si Jesus slizas nohni Yakꞌusda ba ꞌilhunaoodulhne, ꞌen nohtsꞌún whesꞌaꞌ. Ndi khuni Yakꞌusda ba ꞌilhunaoodulhne, ꞌenne ꞌubudóhniꞌ ha David ootsꞌu ha yándene, ꞌenne bube diszut whe ꞌustꞌoh. Bundadaꞌ sum tube be hóodatꞌen, ꞌi le ꞌustꞌoh!” ni Jesus.