John 1:1 - Yak'usda Ooghuni

¹ Soo ꞌudechoo wheꞌ whuditꞌen ꞌet khuni hoonli ꞌinkꞌez ndi khuni ꞌi Yakꞌusda yulh ꞌúntꞌoh. Ndi khuni ꞌi Yakꞌusda ꞌuntꞌoh.

John 1:1 Iomraidhean Croise

Genesis 1:1

Soo ꞌudechoo wheꞌ whuditꞌen whe Yakꞌusda (Elohim) ndi yun ꞌinkꞌez yakꞌuz ꞌet ꞌuhóonla.

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Luke 24:53

ꞋInkꞌez ꞌahoolhdzin lugliz whucho hudilhtsꞌi whe Yakꞌusda hidilhtiꞌ ꞌinkꞌez daldzooꞌ whe ꞌuntꞌoh hutni. ꞋEt ndo honeh.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

John 1:2

ꞋEn soo ꞌudechoo daꞌ whutsꞌun Yakꞌusda bulh ꞌuntꞌoh.

John 16:28

SBá ꞌen ootsꞌu hásya whe ndi yun kꞌut nenúsya. Doo cha ndi yun kꞌut whuchꞌa natisdalh ꞌinkꞌez sBá ꞌen ootsꞌu nátisdalh,” ubúlhni.

John 17:5

ꞋInka sBá, ndi yun kꞌut ꞌuwhutálnelh whutsodaꞌ, ndai la nyun bulh ꞌoh daꞌ bé whúdaltiꞌ-i, ꞌi be ꞌandit doo cha za sba whudílhtiꞌ.

John 20:28

ꞋEt Thomas uyúlhni, “SMoodihti ꞌinkꞌez sYakꞌusda!”

John 8:58

ꞋEt Jesus ꞌubulhni, “Soo tsꞌihꞌun unꞌa nohdúsni, Abraham whutileh whutsodaꞌ, ꞌet ꞌudaꞌ si usdli whe ꞌustꞌoh.”

Romans 9:5

Israel ooduneꞌne ꞌudaꞌ dune tso whúdilhdzulhne tsꞌu ha hánde wheꞌ hintꞌoh, ꞌinkꞌez Christ butsꞌu haínzut. ꞋEt huwa ooyustꞌe dune kꞌunꞌa ꞌuchainya inleꞌ. ꞋEn ꞌuntꞌoh tsꞌiyantsuk whuYakꞌusda unli. ꞋEt huwa ꞌilhiz wheni whe hidílhtiꞌ. ꞋEt ndo honeh.

Ephesians 3:9

ꞋEt whe la buba wheꞌ hoontꞌoh hooyoh-un, ꞌet ꞌi be tsꞌiyanne ꞌalhgoh ꞌilho didowhne tsꞌooleꞌ. Soo ꞌudechoo whutsꞌun, Yakꞌusda tsꞌiyanne buchꞌá whuntizꞌi. ꞋInkꞌez tsꞌiyanne dune honilhꞌen ubutiselh ha. ꞋEn ꞌuja Jesus Christ ꞌen be tsꞌiyaitsuk ꞌinla.

Philippians 2:6

Yakꞌusda dantꞌoh, whuz unꞌa za ꞌuntꞌoh. ꞋInkꞌez Yakꞌusda yundultꞌoh whe ꞌuntꞌoh. Dichꞌoh Yakꞌusda yulh hulhgha ꞌuntꞌoh-un ꞌaw whe lhéꞌdudiltiꞌ. ꞋEt huwa ꞌaw Yakꞌusda gho tizꞌai lhnízun.

Colossians 1:15

ꞋEt Yakꞌusda ꞌaw lhistꞌen whe ꞌuntꞌoh ꞌet hoontsꞌi ooYeꞌ ꞌen yundultꞌoh whe ꞌuntꞌoh tꞌetsꞌoninzun. Ndi tsꞌiyaitsuk ꞌulya-i, ꞌi ꞌudechoo whuzdli-un unli, ꞌet huwa tsꞌiyawh whumoodih unli.

Colossians 1:17

ꞋInkꞌez ꞌen ꞌuntꞌoh tsꞌiyai tso unli, ꞌinkꞌez ꞌen gha tsꞌiyai lhootun leꞌ ꞌuntꞌoh.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

Hebrews 13:8

Jesus Christ ꞌen hulhdaꞌ, ꞌinkꞌez ꞌandit dzin cha, ꞌinkꞌez ꞌilhiz wheni, ꞌet za nduntꞌoh.

Hebrews 7:3

Ooloo hooloh ꞌinkꞌez oobá cha hooloh. Mbe édinzut-un cha hooloh. ꞋAw lhuhóolel ꞌinkꞌez ꞌaw dálhitsal. Yakꞌusda ooYeꞌ kꞌunꞌa ꞌulya whe ꞌilhiz wheni lubret unli.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.

1 John 5:7

ꞋEt tane ꞌenne yakꞌuz whutsꞌun bunalh ꞌóohooja. NeBá, ꞌinkꞌez ndun khuni cha, ꞌinkꞌez Ndoni cha. Ndunne tane ꞌilhoghun za hinli.

Revelation 1:11

ꞋEt njan ndutni, “Si Alpha ꞌinkꞌez Omega usdli. ꞋUdetso-un ꞌinkꞌez ꞌudekꞌez-un ꞌustꞌoh. Ndet whunilhꞌen-un ꞌudustlꞌus kꞌut ꞌukꞌé hoonges ꞌinkꞌez lhtakꞌantꞌit-un Yakꞌusda ba ꞌilhunaoodulhne, yun kꞌut Asia hudilhtsꞌi, ꞌenne ndi ꞌudustlꞌus butsꞌo tlꞌa yonlelh. Ndi bukeyoh hooziꞌ ꞌuntꞌoh: Ephesus, Smyrna, Pergamos, Thyatira, Sardis, Philadelphia, ꞌinkꞌez Laodicea whuz cha.”

Revelation 1:17

Tísꞌen whe oobut dasúsai hukwꞌunꞌa naztsꞌut. Dula nailhni tsꞌunkꞌus ꞌi be skꞌé dilni ꞌinkꞌez ꞌusulhni, “Niljut íloh! ꞋUdechoo ꞌinkꞌez ꞌudekꞌez-un ꞌustꞌoh.

Revelation 1:2

John ꞌen Yakꞌusda ooghuni yughu yalhduk-un ꞌuntꞌoh. Jesus Christ ndet howu yailhduk-un huwun dune budániꞌ, ꞌinkꞌez tsꞌiyai honꞌen-un, ꞌet cha ubudániꞌ.

Revelation 1:8

NeMoodihti njan ndutni, “Si ꞌustꞌoh Alpha ꞌinkꞌez Omega usdli. ꞋUdechoo wheꞌ whuditꞌen-un ꞌinkꞌez ꞌetsul ꞌuwhutánelh-un, ꞌen ꞌustꞌoh. Mbe usdli ꞌinkꞌez ꞌistꞌeꞌ-un, ꞌinkꞌez whusatíyalh-un ꞌustꞌoh, ꞌinkꞌez tsꞌiyai-i anus ulhtus-un ꞌustꞌoh.”

Revelation 19:13

Nayitsꞌuz-i ꞌuskaiꞌ be túnalhchooz, ꞌi be dune unli. ꞋInkꞌez booziꞌ, ꞌi Yakꞌusda Ooghuni tsꞌutni.

Revelation 2:8

“ꞋEt keyoh Smyrna dune Yakꞌusda ba ꞌilhunaoodúlhne bulizas ꞌen ootsꞌó kꞌeinges, njan ndudini: Mbe ꞌudechoo-un ꞌinkꞌez ꞌudekꞌez-un, ꞌen dazsai inleꞌ, ꞌinkꞌez nahítnaꞌ, ꞌen njan ndutni:

Revelation 21:6

ꞋInkꞌez ꞌusulhni, “ꞋAwet lhaóoduja! Si Alpha ꞌinkꞌez Omega usdli. ꞋUdetso wheꞌ whuditꞌen ꞌinkꞌez lhawhúdulya-un usdli. Mbene taꞌóosdane ha tájilh-un tsꞌukhuna-un whutooꞌ ꞌantsꞌi bugha ítasdzoh.

Revelation 22:13

Si ꞌustꞌoh Alpha ꞌinkꞌez Omega usdli. ꞋUdechoo wheꞌ whuditꞌen-un ꞌinkꞌez ꞌetsul ꞌuwhutánelh-un, ꞌen ꞌustꞌoh. ꞋUdetso-un ꞌinkꞌez ꞌudekꞌez-un ꞌustꞌoh.”

Revelation 3:14

“ꞋEt keyoh Laodicea dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Mbe la ndó honeh-un, ꞌinkꞌez oonalh ꞌúwhutꞌen-un cha, ꞌinkꞌez ootꞌa niuznintan-un cha ꞌinkꞌez tsꞌihꞌun unꞌa ꞌuntꞌoh-un cha. Ndi Yakꞌusda ꞌuyinla-i ꞌen ꞌudechoo whéꞌ whudilhꞌen-un ꞌuntꞌoh, ꞌen ꞌutni: